Coronanijs 8 novimber: Smoardrok op strân fan Harns, yn de rige by park Vijversburg

08 nov 2020 - 21:53
  • Tal besmettingen bliuwt stabyl: snein 75, sneon 77
  • Plysje grypt yn by feesten yn Ljouwert en Snits
  • Kabinet: elkenien teste no net helber;
  • Oprop boargemaster De Fryske Marren: tink om inoar;
  • Al it nijs oer it firus is te finen yn ús coronadossier.
21:51
Ein fan dit liveblog

Oant safier dit liveblog mei it Fryske coronanijs fan freed 6 novimber. We sette it belangryskte nijs fan hjoed noch ien kear op in rychje:

  • Tal besmettingen bliuwt stabyl: snein 75, sneon 77
  • Plysje grypt yn by feesten yn Ljouwert en Snits
  • Kabinet: elkenien teste no net helber;
  • Oprop boargemaster De Fryske Marren: tink om inoar;
  • Al it nijs oer it firus is te finen yn ús coronadossier.

Moarn binne wy der wer mei in nij liveblog.

19:45
Op de IC stiet alles ûnder druk: De twadde golf fielt as déjà-vu

Op de intensive care stride dokters en pasjinten alle dagen om libben en dea. De deistige besmettingssifers binne dêr fan grutte betsjutting. Nei in rêstige simmer, wurdt it yn it hiele lân no wer drokker yn de sikehûzen. En de winter moat noch begjinne.

Minsken dy't op de IC wurkje, hâlde it hert fêst. "Dat het aantal besmettingen daalt is fijn, maar dat zien we helemaal niet terug in aantal ziekenhuisopnames", seit intensivist Anna Schut by RTV Rijnmond. "Er komen hier nog elke dag patiënten bij die ernstig ziek zijn en een plekje in het ziekenhuis nodig hebben. We zijn er nog lang niet."

Sjoch hjir nei in eksklusive reportaazje fan RTV Rijnmond yn it Ikazia-sikehûs fan Rotterdam.

18:13
"Nei de lockdown fan no bliuwe de coronaregels strang"

Nederlân moat rekken hâlde mei strangere coronaregels as fan 't simmer, ek as de lockdown fan no heal desimber ôfrûn is. Dat seit firolooch Menno de Jong by AT5. De Jong is lid fan it Outbreak Management Team dat it kabinet advisearret oer de maatregels.

'We moeten heel goed kijken naar wat wel en niet kan en niet zoals in de zomer alles maar weer loslaten. We moeten niet van sprint naar sprint gaan. We moeten er rekening mee houden dat het een marathon is. Bepaalde maatregelen zullen we moeten blijven hanteren, los van de basismaatregelen.'

De Jong tinkt dat it ûnder oare lang nedich bliuwt om thús te wurkjen.

16:12
"It is beskamsum hoe't der mei de kultuer omgien wurdt"

Kultuer-ûndernimmer Anke Bijlsma fan de Teätertsjerke yn Nes is tige min te sprekken oer de nijste coronamaatregels. Dat seit se yn it radoprogramma Buro de Vries. "It is beskamsum hoe't der op 't heden mei de kultuer omgien wurdt", seit se.

"Alle poadia yn de doarpen steane mei de programma's op slot. Skande is dat, want it is ús humus. Dàt is de basis dêr't we it fan ha moatte en der bart neat. En ast dan hearst dat de sport trochgean moat om't it in wichtige "útlaadklep" foar in soad minsken neamd wurdt, dan tink ik: en de kultuer dan?" Neffens Bijlsma is de kultuer der net yn slagge om goeie lobby op te setten.

15:17
Hûnderten minsken op it strân fan Harns

It is smoardrok op it stân fan Harns. Hûnderten minksen wolle mei it moaie waar in kuierke meitsje by de see del.

Drokte op strân fan Harns

14:21
Oantal nije coronabesmettingen bliuwt stabyl

De ôfrûne 24 oeren binne der 75 nije coronagefallen fêststeld yn Fryslân. Sneon wiene it noch 77 en freed 87.

It deistige tal besmettingen de ôfrûne trije wiken (sjochst de grafyk net goed, klik dan hjir).

14:11
Yn de rige by yngong park Vijversburg Tytsjerk
Foto: Omrop Fryslân, Auke Zeldenrust
12:58
Plysje grypt yn by feesten yn Ljouwert en Snits

Yn Ljouwert wie it yn boppewente oan Oer de Kelders en yn Snits yn in bedriuwsgebou oan de Lorentzstrjitte.

Lês hjir it folsleine berjocht.

Rotsoai op Oer de Kelders nei melding lûdsoerlêst fan mooglik in yllegaal feest - Foto: Plysje Ljouwert
10:10
Kabinet:"Plan elkenien teste net helber"

VNO-NCW hat in plan makke om manmachich te testen wêrtroch't it libben yn Nederlân wer suver normaal ferrinne in. Foarsitter Ingrid Thijssen fan de wurkjouwersorganisaasje leit yn De Telegraaf fan sneon it plan út. De kosten fan in testmaatskippij binne folle en folle leger as de maatskiplike en ekonomysk skea as it net bart, seit Thijssen. Neffens it kabinet is it 'plan-testmaatskippij' no net helber.

7:31
Oprop boargemaster De Fryske Marren: tink om inoar

Boargemaster Veenstra fan De Fryske Marren ropt yn syn liveblog op ôfstân faninoar te hâlden, mar tagelyk ek foaral kontakt te hâlden. It is dreech, mar as oerheden tinke we nei oer oplossingen, skriuwt Veenstra. Lanlik en ek op gemeentlik nivo. Dêrnjonken binne der ek in soad maatskiplike organisaasjes warber om de iensumens te bestriden. Fan frijwilligers oant skoallen, fan tsjerken oant supermerken.

Fan dat lêste neamt Veenstra in foarbyld. In pleatslike ûndernimmer hie de plysje belle omdat in klant 'hiel ôfwikend (keap)gedrach' fertoande yn de winkel. Dêrnei waard de GGZ ynskeakele en doe hat boargemaster Veenstra op advys fan in psychiater de persoan tsjin it sin opnimme litten. De persoan wie absolút net by steat om foar himsels te soargjen, skriuwt Veenstra.

Veenstra wiist ek noch op de site eentegeneenzaamheid dêr't op te sjen is wat minsken konkreet dwaan kinne tsjin iensumens.

Boargemaster Fred Veenstra - Foto: Omrop Fryslân
7:05
Wichtichste nijs fan sneon

Dit wie it wichtichste nijs fan sneon:

  • Foar de fjirde dei op rige binne der hjoed yn Fryslân minder as 100 besmettingen fêststeld mei it coronafirus, it wiene der 77;
  • It moaie waar soarge foar drokte yn de binnestêd fan Ljouwert, hanthaveners ha dêr meardere boetes útdield;
  • Arriva tinkt nei oer it skrassen fan treinen, no't dúdlik wurden is dat de NS dat ek docht om de tsjinstregeling yn stân te hâlden as tefolle meiwurkers siik wurde soene;
  • Firologen sizze dat hieltyd mear minsken in twadde kear siik wurde, neidat se al in kear besmet west ha mei it firus;
  • No't it Ljouwerter poppoadium Neushoorn ticht is foar publyk, komme der online liveshows dy't letter ek as podcast te beharkjen binne.
7:00
Goeiemoarn

Dit is it liveblog fan snein 8 novimber mei it lêste nijs oer it coronafirus yn Fryslân. It nijs fan sneon kinne jo hjir neilêze.

Trefwurden: 
coronafirus COVID-19
(Advertinsje)
(Advertinsje)