Coronanijs fan 3 novimber: Kabinet komt mei 'verzwaringspakket' | 127 nije besmettingen yn Fryslân

De Fryske sikehûzen kinne de druk as gefolch fan it tanimmende oantal coronapasjinten noch goed oan. Dochs binne de ferswierjende maatregels dy't it kabinet tiisdeitejûn oankundige net om 'e nocht. Dat seit Marjan Tijtsma, krisiskoördinator fan it MCL. "Vanuit zorgoptiek hebben we deze maatregelen zeker nodig", seit Tijtsma. De maatregels binne benammen bedoeld om de druk op de sikehûzen te ferleegjen.

Boargemaster fan Ljouwert Sybrand Buma giet der net fanút dat we mei de krystdagen gesellich mei de hiele famylje oan it krystdiner sitte. "Als ik zou zeggen: wees niet bang, met kerst is het weer normaal. Dan klinkt dat als perspectief, maar het is gewoon niet waar. Dit gaat langer duren. Er is nu een tweede golf. Alle planningen van de virologen, praten al over de derde", seit Buma.

It kabinet freget minsken oant healwei jannewaris net op fakânsje te gean nei it bûtenlân. Neffens premier Mark Rutte jildt it negative reisadvys net foar Karibysk Nederlân.

It kabinet set in pakket ekstra maatregels klear foar de swierst troffen regio's wêr't de besmettingssifers mar net nei ûnderen gean. Dat sei premier Mark Rutte.

As de sifers net nei ûnderen gean, wurdt it pakket ynset. Dêrby wurdt ûnder mear in jûnsklok oerwoegen, fierdere sluting fan de winkels en sluting fan middelbere skoallen.

De kommende twa wiken jildt in 'verzwaringspakket', boppe-op de coronamaatregels dy't no al jilde. It devys wurdt wer: 'Bliuw thús' en it kabinet ropt op om net-needsaaklike reizen te mijen. Dêr boppe-op komt in pakket ekstra maatregels.

De groepsgrutte wurdt werombrocht nei maksimaal twa persoanen. Teäters, musea en pretparken moatte dêrneist de kommende twa wiken de doarren slute.

Dit binne de maatregels op in rychje:

"Minder bewegingen, minder samenkomsten, minder contacten", sa sei Rutte. Dêrom gean publyk tagonklike plakken as musea, teäters, bioskopen, pretparken, bistetunen, buerthuzen, swimbaden en sauna's ticht. Utsûndering binne supermerken, winkels en kappers. Minsken meie noch wol individueel sporte yn de sportskoalle, mar groepslessen binne net mear tastien.

De maksimale groepsgrutte bûten wurdt werom brocht nei twa persoanen, yn stee fan fjouwer. Húshâldens en bern ûnder de 12 jier binne dêrfan útsûndere. Minsken dy't dat oertrêdzje, riskearje in boete. Thús meie minsken de kommende tiid maksimaal twa gasten ûntfange, yn stee fan trije no. Ek dêryn binne bern útsûndere.

Der jildt de kommende tiid in negatyf reisadvys. "We willen niet dat mensen die nu in het buitenland zitten het virus mee naar huis nemen", seit Rutte. Oant heal jannewaris wurdt mei klam ôfret om nei it bûtenlân te reizgjen. Reizgje nei de Karibyske dielen fan it Nederlânsk Keninkryk kin wol.

De besmettingssifers moatte mear nei ûnderen. Dat sei premier Rutte tiisdeitejûn op de parsekonferinsje oer de nije coronamaatregels. It kabinet kundiget dêrom in nij pakket maatregels oan, dat de kommende twa wiken fan krêft bliuwt. De maatregels dy't al fan krêft wiene, bliuwe yn elk gefal oant healwei desimber fan krêft.

Neffens boarnen moatte biblioteken, teäters, musea, pretparken, bistetunen en bioskopen de kommende twa wiken ticht. Dat is fansels in grutte klap foar de brânsj. "Ik snap it net", seit Sander Hakbijl fan Bios Drachten. "It is oantoand dat wy ien fan de feilichste brânsjes binne. Der binne gjin besmettingen fan corona te werom te lieden binnen de bioskoop. Wy hawwe in hiel soad ynvestearre om it noch feiliger te meitsjen en it is noch ien fan de 'weinige uitjes' wêryn't we minsken noch pleziere kinne op in feilige wize", sa seit Hakbijl.

It kabinet komt oer in wike of twa mei mear dúdlikens oer in tydlik fjoerwurkferbod by de kommende jierwiksel. Dat sei steatssekretaris Stientje van Veldhoven fan Miljeu tiisdei.

Moandeitejûn pleiten de 25 boargemasters dy't tegearre it Veiligheidsberaad foarmje foar dy maatregel. GroenLinks en Partij voor de Dieren kamen foarige wike mei dat plan. It moat de soarch en helptsijnsten dit jier ûntlêste dy't fanwegen de coronakrisis al ûnder swiere druk stean.

Van Veldhoven seit it sinjaal fan de boargemasters en partijen serieus te nimmen. Neffens har is it ûnderwerp breder as allinnich har miljeuportefúlje en moatte oare bewâldspersoanen har der ek oer bûgje.

De Twadde Keamer moat ek ynstimme mei it plan. Tiisdeitemiddei wurdt deroer debattearre. In oantal opposysjepartijen hat him al foar in tydlik fjoerwurkferbod útsprutsen. Koälysjepartij CDA, D66 en ChristenUnie wolle earst sjen wêr't it kabinet mei komt.

Begjin dit jier waard it gebrûk fan fjoerwurk al fierder beheind. Under mear fjoerwurkpylken, knalfjoerwurk en fjoerwurk yn de swierdere kategory F3 binne ferbean mei yngong fan 1 desimber.

Teste, teste en nochris teste. It is foar de fuotballers de ôfrûne moannen rûtine wurden. Mei dúdlike protokollen en in wiidwedich testprogramma kin de fuotballerij yn coronatiid dochs trochgean, al liedt it sa no en dan ta betiizjende situaasjes.

"Het is nooit een perfect systeem, twijfels houd je altijd", seit Edwin Goedhart, haad medyske saken fan it KNVB. "Die moeten we met elkaar accepteren om de boel op gang te houden. Dit is de best beschikbare optie, we moeten het hiermee doen. Voetballers zijn een unieke groep, niemand wordt vaker getest dan zij. Het lijkt of die positieve gevallen schering en inslag zijn, maar dat komt omdat we zo enorm veel testen. Het voordeel is dat je snel weet of iemand geïnfecteerd is. Het nadeel is dat we soms dit soort 'grensgevallen' hebben. Ja, die krijgen we er gratis bij."

"We weten natuurlijk nog weinig van de gevolgen van het coronavirus op de lange termijn", seit de bûnsdokter. "We adviseren de clubs om besmette spelers goed te laten uitzieken en eerst een hartfilmpje te maken voordat ze terugkeren op het veld. Sommige spelers voelen niets als ze besmet zijn, het merendeel heeft toch wel lichte klachten. We nemen dit heel serieus, zoals iedere virusinfectie. Je kan niet zeggen: het is maar een griepje. Nee, dit is een vervelend beestje. Sommige spelers hebben na een besmetting nog wekenlang vermoeidheidsklachten. Maar de meesten herstellen goed en snel."

Inkelde meiwurkers fan de GGD hawwe in dossier fan twa bekende Nederlanners ynsjoen, wylst dat net tastien is. Oft it spesifyk om coronadossiers giet, moat bliken dwaan út in yntern ûndersyk dat noch rint. De persoanen fan wa't de dossiers binne, binne ynformearre oer de kwestje. De brânsjorganisaasje GGD-GHOR makket dy nammen net bekend.

Neffens it AD giet it yn ien gefal om it dossier fan de Rotterdamske boargemaster Ahmed Aboutaleb. Tsjin de krante seit hy dat hy him gjin soargen makket.

Tsjin de meiwurkers is aksje ûndernaam, mar ek dêroer wol de GGD-GHOR gjin details jaan. Ek is in melding dien by de Autoriteit Persoonsgegevens. Alle GGD-meiwurkers moatte in ferklearring tekenje dat sy allinnich dossiers rieplachtsje sille dy't se foar harren wurk nedich hawwe. Yn dizze gefallen stiet neffens in wurdfierder fan de GGD-GHOR fêst dat de belutsen meiwurkers de dossiers net nedich hiene.

De lêste besmettingssifers oer it coronafirus binne "niet slecht, maar ook niet goed genoeg", seit minister Hugo de Jonge fan Folkssûnens. It oantal besmettings nimt in oantal dagen ôf en leit yntusken flink ûnder de 8.000.

De meast belutsen ministers praten tiisdei oeren oer de sifers. Premier Rutte en minister De Jonge sille oan it begjin fan de jûn nei alle gedachten nije maatregels ôfkundigje. Dat is nedich om de druk op de sikehûzen rapper ôfnimme te litte.

Minister Ferd Grapperhaus fan Justysje en Feiligens sei nei it beried dat de sifers him "voorzichtig optimistisch" stimme. Steatssekretaris Paul Blokhuis fan Folkssûnens wol net te betiid jûgje. Hy wiisde derop dat it oantal opnames yn sikehûzen groeien bliuwt.

De ôfrûne sân dagen binne 64.087 nije gefallen fan it coronafirus meld by it RIVM, de earste delgong yn twa moannen. Foarige wike melde it RIVM 67.542 positive tests. Dat betsjut in delgong fan 5 persint. Neffens it RIVM liket dat in effekt fan de maatregels dy't ein septimber en mids oktober fan krêft waarden.

Dochs giet de delgong neffens it RIVM noch net rap genôch. It reproduksjegetal, it sifer dat oanjout hoe rap oft it coronafirus him ferspriedt ûnder de befolking, naam ôfrûne wike ôf ta 1,1. De oerheid wol dat it reproduksjegetal ûnder de 1 komt. Dat dôvet de útbraak stadichoan út. It RIVM wiist derop dat der yn de leeftydsgroepen boppe de 60 jier noch gjin delgong is fan it oantal positive tests.

Ek waard bekend dat it oantal stjergefallen fierder oprûn is. Yn de ôfrûne wike binne 435 coronastjergefallen meld, foarige wike 329, de wike dêrfoar 185. It RIVM makke ek bekend dat 1.966 minsken fanwegen it coronafirus opnaam wiene op in ferpleechôfdieling fan it sikehûs, en dat 321 minsken op in ic opnaam wiene. In wike earder wiene dat der respektyflik 1.739 en 333.

Yn de ôfrûne wike binne goed 295.000 persoanen test yn de teststrjitten fan de GGD, goed 26.500 minder as yn de wike dêrfoar. De útslach is bekend fan 292.613. Fan harren testen 48.495 posityf. "Het percentage positieve testen is nog hoog (16,6 procent), maar daalt sinds juli 2020 voor het eerst in vergelijking met de voorgaande week", seit it RIVM.

Sûnt de ynfiering fan de mûlkapkesplicht yn it iepenbier ferfier op 1 juny binne 3.034 reizgers beboete foar it net dragen fan in mûlkapke. Foaral yn de ôfrûne moanne hat it Iepenbier Ministearje (IM) folle mear mûlkapkeboetes ôfhannele, want ein septimber stie de teller noch op 1.641.

It IM hat sûnt it begjin fan de coronakrisis yn maart 17.480 coronaboetes oplein fanwegen it oertrêdzjen fan de needferoarderings. Yn totaal krige it OM 24.420 prosessen-ferbaal binnen fan plysje-aginten of boa's. Dy wurde troch it IM beoardiele, foar't der in strafbeskikking yn de foarm fan in jildboete folget. In part moat noch behannele wurde. In oar part is werom stjoerd nei de plysje of boa mei it fersyk it proses-ferbaal oan te folgjen. Dat bart by gemiddeld 44 persint fan de boetes.

It IM hat sûnt mids maart 357 misdriuwsaken yn behanneling naam dy't mei it coronafirus ferbân hâlde, lykas hoastjen of flybje yn 'e rjochting fan aginten troch minsken dy't beweare dat se besmet binne. By 50 saken giet it om geweld. By de measte misdriuwsaken (109) binne plysje-aginten slachtoffer. Yn 68 gefallen giet it om oare beroppen, lykas boa's of meiwurkers fan in sikehûs. It IM hat 11 saken dêr't iepenbier-ferfierpersoniel slachtoffer wurden is fan coronarelatearre misdriuwen.

Yn 273 misdriuwsaken is de fertochte dage en moast dy dus foar de rjochter ferskine. Yn de measte saken easke de offisier fan justysje in finzenisstraf, dy't yn de measte gefallen oplein waard troch de rjochte.r

Yn 7.451 gefallen binne minsken it net iens mei de opleine boetes. Dêr sjocht de offisier fan justysje opnij nei om te kiezen hokker saken oan de kantonrjochter foarlein wurde. Der binne yntusken 60 saken troch de rjochter ôfhannele, yn 45 saken late dat ta in jildboete.

It RIVM meldt hjoed 127 nije besmettingen yn Fryslân. Dat binne der acht minder as juster. De measte nije besmettingen binne meld yn Ljouwert (23), dêrnei komt Súdwest-Fryslân (19). Skylge, Flylân en Skiermûntseach melde gjin nije besmettingen.

Der binne trije nije stjergefallen meld yn Fryslân. Dat binne ynwenners fan Harns, Ljouwert en Smellingerlân. Der is ien nije sikehûsopname, dat giet om in ynwenner fan Harns.

Lanlik binne der 7.776 nije meldingen. Dat wie juster 8.306.

De Nederlânske ekonomy draait, nettsjinsteande de coronakrisis, noch prima. Mar neffens topfrou Laura van Geest fan de Autoriteit Financiële Markten is dit nei alle gedachten de 'stilte foar de stoarm'. De kâns is neffens de tafersjochhâlder oanwêzich dat de coronakrisis liede sil ta bliuwende ekonomyske skea, mei langduorjende effekten op de arbeidsmerk.

Der komt mooglik in momint dat de stipemaatregels fan de oerheid in grins berikke. Dat der no noch net in soad falliseminten fallen binne hat mei dy stipe te krijen. Mar der sit in ein oan wat bygelyks de sintrale banken dwaan kinne. En datselde jildt foar de oerheid.

Ek de driigjende hurde Brexit kin noch foar in soad skea soargje, sa tinkt de AFM.

It kabinet komt oer in wike as twa mei mear dúdlikheid oer in tydlik fjoerwurkferbod by de kommende jierwiksel. Dat seit steatssekretaris Van Veldhoven. De foarsitters fan de 25 feilichheidsregio's wolle in ferbod. GrienLinks en Partij voor de Dieren ha in plan makke yn de Twadde Keamer. It moat derfoar soargje dat de soarch en de helptsjinsten net ûnder noch fierdere druk komme te stean.

Hâld musea, poadia en biblioteken iepen foar besikers út de regio. Dy oprop docht de kulturele sektor oan it kabinet, seit belange-organisaasje Kunsten'92. It liket der no op dat kabinet jûn oankundiget dat musea, teäters, bioskopen, pretparken en bistetunen tydlik ticht moatte.

De kulturele sektor wol dat minsken wol de gelegenheid hâlde om yn de eigen omjouwing in besite te bringen oan in kulturele organisaasje. "Want bij iedere inwoner van ons land is een podium, museum of bibliotheek in de buurt. De openstelling van deze organisaties biedt hen de gelegenheid om veilig en verantwoord buiten de eigen woning afleiding te vinden wanneer de corona-beperkende maatregelen tijdelijk nog verder moeten worden aangescherpt."

De bioskoopbrânsj wol ekstra finansjele stipe fanwegen de coronakrisis. As jûn yndie besletten wurdt dat de sealen wer tichtmoatte, dan falle bioskopen en filmteäters de kommende tiid om. Dat seit de Nederlandse Vereniging van Bioscopen en Filmtheaters (NVBF).

Ferskate sektoaren, lykas eveneminten en guon teäterprodusinten, ha stipe krigen. "Helaas geldt dit niet voor de bioscopen terwijl bioscopen extra financiële ondersteuning heel hard nodig hebben. Wij roepen de politiek op om de bioscopen extra financieel te ondersteunen juist nu de bioscopen het zo hard nodig hebben!"

Underwiisminister Arie Slob mei wer út karantêne. Op Twitter seit er: "Quarantaine is weer voorbij. Gelukkig niet ziek geworden."

Hy moast op 26 oktober yn thúsisolaasje, om't er mear as in kertier yn kontakt west hie mei in meiwurker dy't besmet wie.

It is stil yn de measte Fryske doarpshuzen. De measten binne hielendal ticht en in pear binne noch mar beheind iepen. De Jister yn Twizelerheide iepenet de doarren noch ien jûn yn de wike foar in groepke skakers.

It kabinet beslút hjoed watfoar ekstra maatregels der komme om it tal nije besmettingen mei it coronafirus te beheinen. Om 19.00 oere meitsje premier Rutte en minister De Jonge bekend wat dy maatregels binne. De parsekonferinsje is live te folgjen by Omrop Fryslân op telefyzje, radio en online.

De coronakrisis is foar kwetsbere bern ekstra dramatysk. Dat seit bernerjochte-organisaasje Terre des Hommes. Se roppe de Europeeske Uny op om 'ferantwurdlikheid te nimmen en de rjochten fan bern te beskermjen. Terre des Hommes begjint in kampanje om omtinken foar it ûnderwerp te freegjen.

De omset yn de detailhannel is noch nea sa rap groeid. De ferkeapen fan winkellju binne yn it tredde fearnsjier mei goed 9 prosint omheech gong. Dat is de rapste fearnsjiergroei sûnt 2005, doe't it CBS begûn mei it byhâlden derfan. Under oare doch-it-sels-saken, foodwinkels en meubelsaken profitearje fan ekstra ferkeapen, trochdat minsken troch de coronapandemy mear thús sitte.

Dit is it liveblog fan tiisdei 3 novimber mei it lêste nijs oer it coronafirus yn Fryslân. It nijs fan moandei kinst hjir neilêze.