Koperkanaal

10 en 11 april: ONFK-wykein op it Koperkanaal | In kompilaasje fan 35 jier live fanfaremuzyk.

Op sneon 10 en snein 11 april stiet it Koperkanaal folslein yn it teken fan it ONFK. Spesjaal foar it wykein wêryn't gewoanwei it ONFK hâlden wurde soe, dûkt Omrop Fryslân de argiven yn. De hiele dei binne de moaiste muzykstikken te hearren, dy't tusken 1985 en 2020 spile binne op it Frysk Fanfare Festival en dêrnei it ONFK. Sneon de hiele dei, fan moarns 9.00 oere oant jûns 0.00 oere op Koperkanaal.nl of yn de omropapp. En snein in werhelling fan de hiele list. De list mei alle stikken, komponisten en útfierende korpsen is te besjen op de webside fan de ONFK.

Koperkanaal is der spesjaal foar leafhawwers fan de muzyk fan harmony, fanfare en brassband. Koperkanaal bestiet út livestreams fan HaFaBra eveneminten: it fideokanaal op YouTube, de audiostream Omropfryslan.nl/koperkanaal en it radioprogramma Koperkanaal FM (alle sneinen tusken 6.00 en 8.00 oere op 'e radio). 

Op de audiostream fan it Koperkanaal binne unike opnamen te hearren dy’t de Omrop yn de rin fan de tiid makke hat. Op dy wize is it muzykargyf fan Omrop Fryslân foar in breed publyk beskikber. 

Harkje live

(Advertinsje)