Keatsen

PC Frjentsjer

    Woansdei 4 augustus belooft in prachtich Simmer yn Fryslân dei te wurden mei in soad sport. Tradisjoneel is op dy dei de belangrykste keatspartij fan it jier, de PC. Fan 14.00 oere ôf is de keatspartij te folgjen op telefyzje. Earst mei in gearfetting en dêrnei live keatsen. Fan 09.30 oere is de PC ek te folgjen op radio en online. Dé PC sfear is de hiele dei te belibjen by Omrop Fryslân.

    PC Kafee

      De 168e PC giet troch. En dus giet PC Kafee ek troch. Trije kear, live út De Bogt fen Guné yn Frjentsjer wei. Op sneon 31 july en snein 1 augustus is it programma fan 11.00 oant 12.00 oere te hearren. Op tiisdei 3 augustus fan 18.00 oant 19.00 oere. As fan âlds mei sterke ferhalen, prachtige anekdoaten en livemuzyk fan De Hitsingers en Vangrail. Presintaasje is fansels yn hannen fan Geert van Tuinen. Mis neat en harkje mei nei PC Kafee.

      Freule

        De Freule yn Wommels is in wichtige keatspartij foar de jonges fan 14 oant 16 jier. Dit jier fynt de Freule plak op 11 augustus en is fan 14.00 oere ôf live te sjen op telefyzje en ynternet by Omrop Fryslân. Op radio is de Freule de hiele dei te folgjen. 

        Frouljus PC

          De 45ste edysje fan de Frouljus PC wurdt woansdei 25 augustus yn Weidum keatst en is dit jier live te folgjen by Omrop Fryslân. Fan 14.00 oere ôf binne de partijen op telefyzje en ynternet te sjen. Op radio is de Frouljus PC de hiele dei te folgjen.

          Keats nijs

            Omrop Fryslân folget it keatsen op 'e foet. Yn dit dossier wurde alle nijsberjochten oer it keatsen sammele.

            (Advertinsje)