31 °C Appke
Foarside Lêste nijs Live Sykje
Ynstellingen

Dit jier barst de striid ûnder de skûtsjes wer los en dat wurdt troch Omrop Fryslân wer as fan âlds live yn byld brocht.

SKS

De wedstriden binne sûnder ûnderbrekkingen live op telefyzje te folgjen mei streekrjocht kommentaar. By de SKS wedstriden binne der foar- en neibeskôgingen op lokaasje troch presintator Arjen de Boer. De fokus leit dit jier op live ferslach, mar ek de bylden rûnom de wedstriid binne te sjen. Ek dit jier sille de fertroude stimmen fan Gjalt de Jong en Geartsje de Vries wer live ferslach dwaan fan it skûtsjesilen op de radio.

Nij dit jier is dat der ûnder de wedstriden ynterviews mei de skippers te hearren binne. Hoe sjogge se nei harren eigen posysje in it klassemint? Wat binne de kânsen? En wat bringt de dei hjoed?

It skûtsjesilen is live te hearren en te sjen by Omrop Fryslân fan sneon 30 july oant en mei freed 12 augustus. Op 3 augustus falt it skûtsjesilen en de PC tagelyk. It skûtsjesilen is dan fia in livestream te besjen op Omropfryslan.nl en de Omrop-app.

Utslaggen

Besjoch de útslaggen fan de wedstriden. Of besjoch it klassemint.

Skûtsjepool

Foarsis alle dagen de nûmers 1, 2 en 3. Wa't der it tichste by sit makket alle dagen kâns op in unike syltocht foar twa persoanen troch de Alde Feanen by Earnewâld op de slotdei fan Simmer fan Fryslân. Mei oan it roer skûtsjekenner Age Veldboom. De dei wurdt kompleet makke mei in nijsgjirrige rûnlieding yn it skûtsjemuseum. Trûbadoer Piter Wilkens giet ek mei oan board. Foar de bêste foarsizzer fan de SKS of IFKS binne der ek noch Skûtsjebokalen te winnen. De winnersdei is op 28 augustus live te folgjen fia radio en telefyzje by Omrop Fryslân.

Doch dyn foarsizzing alle dagen oan it 10-minuten skot (14.00 oere) falt, harkje nei it programma Underweis tusken 16.00 en 18.00 oere en hear wa de deiwinner wurden is.

Doch mei oan 'e skûtsjepool

IFKS

De IFKS is in bysûnder kampioenskip, dêr 't by it grutte publyk miskien somtiden noch wol wat ûnbekendheid oer hearsket. Omrop Fryslân sil dit jier dêrom op syk nei de ferhalen efter de IFKS. Wat makket dizze klasse eigen? Wa sile der yn mei? En wêrom dogge se dat eins? Alle dagen te sjen op telefyzje by Omrop Fryslân. Op radio wurdt as fan âlds live kommentaar fersoarge.