Auto botst op beam oan Gerbrandywei yn Ljouwert; bestjoerder ferwûne
Op de Prof. Mr. P.S. Gerbrandywei yn Ljouwert is sneintemiddei in auto tsjin in beam botst. De bestjoerder is hjirby ferwûne rekke en nei it sikehûs brocht.
De plysje hie yn ferbân mei it ûngelok in part fan de strjitte ôfsletten.
Hoe't it ûngelok barre koe, is net bekend. De auto is fuortsleept troch in berger.
