Simmerblog: Simmer op Skiermûntseach

Wy slute it simmerblog ôf foar hjoed. Moandei is Simmer yn Fryslân der wer, dan binne wy yn Marsum. Oant dan!

It sintsje is derby en it is gesellich op it terras. Dat komt foarl troch Henriëte Pieperiet en Marius van Delden, dy't de sfear der mei haren muzyk goed ynhâlde. Se sjonge yn it Skiermûntseagersk én oer Skiermûntseach.

Oan de Waadseekant fan Skiermûntseach stiet restaurant Wad Anderz. Eigener Eelke van der Heide besiket alles wat oars as oars te dwaan. Sa wurdt der sushi fan nije hjerring makke.

By Skiermûntseach wurdt ek in soad oan kitesurfen dien. En dat hat positive effekten op 'e geast: "Na een kitesessie kan je de hele wereld weer aan!"

Op in eilân wurdt fansels ek oan wettersport dien. sa kinne je oan it Noardseestrân bygelyks kitesurfe, sile of kajakke.

De pylken fleane hin en wer op it strân fan Skiermûntseach. Rekreaasjeteam Lytje Willem organisearret dêr allegear aktiviteiten foar de bern, lykas bôgesjitten.

Plannen foar in nije dyk soargje foar argewaasje op Skiermûntseach. De dyk soe troch it lân fan Tessa Brands komme, en dat is in grut probleem foar har buorkerij. "Wij zetten in op biodiversiteit. Als je biodivers gaat boeren heb je minder koeien op je land. Op een geven moment komt je bestaansrecht in gevaar."

Op it strân fan Skiermûntseach is fan alles te finen, fertelt Thijs de Boer. Neist skulpen fynt er geregeld ierdewurk, flessepost, njoggeneagen en hy hat sels de boppekaak fan in orka.

Schelpenmuseum Paal 14 is "een beetje een uit de hand gelopen hobby," fertelt Thijs de Boer. Yn it museum binne skulpen fan oer de hiele wrâld te sjen, mar ek oar guod dat je op it strân fan Skier tsjinkomme kinne.

Kampearbuorkerij De Oorsprong stiet op it stuit hielendal fol. "De rust, de ruimte. En de boerderij erbij vinden een heleboel mensen leuk," fertelt Freek Visser.

Neist buorkjen en kampearjen wurdt der op de De Oorsprong ek suvel makke. "We maken vla en yoghurt. We zijn heel klein begonnen met pannetjes in huis, maar toen de coronacrisis uitbrak zijn we begonnen met een grotere tank," seit Marieke Blaauwiekel. Yntusken meitsje se sa'n 200 liter yn 'e wike.

It âldste hûs fan Skiermûntseach, mei de namme Marten, waard yn 1724 boud. Dêrfoar wie it eilân lykwols ek al bewenne. "Westerburen was het eerste dorp, toen de monniken kwamen is het dorp Schiermonnikoog gesticht," fertelt Talsma. It doarp Westerburen ferdwûn yn 1760 yn de see.

"We hebben een authentiek plaatsje, met hele mooie huisjes en hier gebeurt het eigenlijk allemaal," fertelt Monique Talsma. Troch de coronakrisis hie Skiermûntseach, grutdiels ôfhinklik fan it toerisme, in pear swiere moannen. "Je ziet nu weer mensen op de terrassen zitten, je ziet weer mensen fietsen, dat doet goed."

Goeiemoarn en wolkom yn dit simmerblog. Simmer yn Fryslân is hjoed op Skiermûntseach. Ferslachjouwers Johanna Brinkman en Maaike van der Hoek dogge de hiele dei ferslach.

Tongersdei wie Simmer yn Fryslân yn Easterlittens. Dat kinne je hjir weromlêze.