Wenboat yn jachthaven Twellingea sinkt diels
In wenboat yn in jachthaven yn Twellingea is sneintemiddei foar in diel sonken. Hoe't dat koe, is noch net dúdlik.
De brânwacht wie gau teplak by de haven oan de Brêgesleatswei, mar koe net foarkomme dat de wenning foar in diel ûnder wetter rekke.
Se krigen de wenboat ek net mear boppe wetter. De eigener moat no in partikulier bedriuw ynskeakelje om dat te dwaan.