Skoalbern krije in fyts-APK foar de winter
De winter komt der oan, de dagen wurde koarter en dus wurdt goed ljocht op de fyts wichtiger. Benammen foar skoalbern dy't alle dagen moarns betiid yn it tsjuster op 'e fyts nei skoalle moatte. Dêrom is it moandei de Fryske fyts-APK dei.
Fyts Apk
In de tweede klas is de toestand van een aantal fietsen om te huilen.
Nije skoalle, nije fyts
De offisjele ôftraap fan de fyts-APK dei wie moandeitemoarn by it VerkeersEducatieCentrum yn Drachten. Brêgeklassers fan it CSG Liudger kamen dêr om harren fytsen neisjen te litten. Oer it algemien wiene de fytsen fan de earstejiers goed op oarder.
In soad bern krije as se nei it fuortset ûnderwiis gean in nije fyts. De jierren dêrnei wurdt it neffens de kontroleurs hurd minder. "In de tweede klas is de toestand van een aantal fietsen om te huilen."
De fytsen waarden neisjoen troch frijwilligers en de bern sels. De learlingen moasten fan elkoar de fytsen besjen op mankeminten. Meastentiids koe dat op it plak sels opknapt wurde. Benammen nei ljocht, remmen en de fytsbelle waard sjoen.
Fytse mei drugs op
Njonken de fyts-APK krigen de bern les yn feiligens. Sa mochten se sels plaknimme efter it stjoer yn in simulator, dêr't se sabeare mei autoride koene yn it tsjuster. Sa ûnderfûnen se hoe't in bestjoerder in fytser sûnder ljocht hast altyd te let sjocht.
Ek koene de learlingen simulearre fytse mei drugs of alkohol op.
Simone Scheffer docht de fytskeuring
Yn totaal wurde yn Fryslân 6.000 fytsen op 55 skoallen kontrolearre.
