Plysje drok mei mishannelingen yn Ljouwert
De plysje yn Ljouwert wie tongersdeitejûn drok mei twa mishannelingen. Yn beide gefallen wie drank of drugs yn it spul.
Op de Voorstreek waard in 45-jierrige frou mishannele. De 32-jierrige fertochte koe koart dêrnei op de Oldegalileën oanhâlden wurde. De man wie ûnder ynfloed en woe net meiwurkje oan in alkohol- en drugstest. Hy sit noch fêst.
Op it Birdplein waard in lid fan it buertprevinsjeteam mishannele. Der is in 59-jierrige fertochte oanhâlden. De man wie ûnder ynfloed fan drank en sit noch fêst.
