Jaguar útbaarnd op de A31 by Marsum
In auto is sneontejûn folslein útbaarnd op de A31 by Marsum. Troch noch ûnbekende oarsaak ûntstie der brân yn de auto.
De twa ynsittenden rûkten de brân en setten harren Jaguar oan de kant fan de dyk. Doe die bliken dat der fjoer ûnder de auto weikaam. Se hawwe de brânwacht warskôge, dy't it fjoer blust hat. Der koe lykwols net mear foarkaam wurde dat de auto folslein útbaarnde.
De ôfrit fan Ljouwert rjochting Harns by Marsum waard in skoftke ôfsletten foar ferkear, sadat de brânwacht har wurk dwaan koe en de auto fuortsleept wurde koe.
