Lekke bân makket betiid ein oan Formule 2-race De Vries
Maleur foar Nyck de Vries sneon. De 23-jierrige autokoereur út Twellingea moast yn de Formule 2-race fan Eastenryk de striid al betiid stake. In lekke bân soarge derfoar dat de wedstriid der foar him al gau op siet.
Troch it flugge útfallen fan De Vries die er gjin goede saken yn it klassemint. Konkurrinten George Russell en Lando Norris út Grút-Brittannië waarden respektyflik op sirkwy yn Eastenryk ien en twa.
Snein stiet foar De Vries de twadde race fan it wykein op it programma.
