Unrêstige útgeansnacht yn Ljouwert
It wie sneontenacht drok en ûnrêstich yn it útgeanssintrum fan Ljouwert, meldt de plysje. Der wiene ferskate ynsidinten en houwerijen.
Ien fjochtpartij wie yn de Alde Doelestege. In 19-jierrige Ljouwerter krige in proses-ferbaal foar fersteuring fan de iepenbiere oarder en in ferbod om yn it sintrum te kommen.
Eefkes letter kaam op it Ruterskertier in 23-jierrige Ljouwerter nei bûten mei in ferwûning oan de holle. Hy wegere help en foel oare persoanen oan. Hy krige ek in proses-ferbaal foar fersteuring fan de iepenbiere oarder.
