FOTO: Keningsdei yn Ljouwert

27 april 2017, 14:27 • 1 minút lêstiid

Hessel Johannes Bouwmeester stie fan woansdeitemoarn healwei seizen ôf al ûnder de luifel fan de Harmonie. Der waard rein foarsein, dus hy woe dit plakje perfoarst ha.

Peter Abbring besette syn plak al fan woansdeitejûn alve oere ôf. Hy mei net kleie oer de ferkeap.

Quinten Wiersma en Rixt Weiland wenje yn it sintrum en koene dus útsliepe. "Njoggen oere stiene we op en doe smiten wy it guod de doar út."

Keningsdei yn Ljouwert

Abran, Mere en Eko Kooistra sitte al fan seis oere ôf foar boekhannel Van der Velde. De ferkeap giet boppe ferwachting goed.

Joel Johannes preket foar Jezus. "Der is tefolle oarloch, God kin dat feroarje."

Otto en Maurice Braaksma stean al fan healwei fiven op de merk. Se hiene al twa kisten mei boeken ferkocht.

Omdat Ilse Teitsma en Erik van der Meulen in wrâldtocht meitsje sille, moast de kleankast leech. "Elke 100 euro is moai mei."

Ashley van Tuinen, Esmee van Tuinen en mem Nynke Henkes ha besletten dochs te gean omdat de sinne skynde.

Saskia Siksma en Sander van Amerongen litte harren net tsjinhâlde troch de ferwachte rein. "It is dochs mar ien kear yn it jier Keningsdei."

Hessel Johannes Bouwmeester stie fan woansdeitemoarn healwei seizen ôf al ûnder de luifel fan de Harmonie. Der waard rein foarsein, dus hy woe dit plakje perfoarst ha. © Omrop Fryslân, Joris Kalma

Op dizze Keningsdei wie Ljouwert wer it toaniel fan de tradisjonele frijmerk. De dei en nacht fan tefoaren hiene guon minsken al harren plakje reservearre yn it sintrum fan de stêd en moarns betiid gong de hannel mei goede moed fan start. De sinne wie der sa no en dan by, mar kâld wie it wol. Fotograaf Joris Kalma makke de folgjende portretten fan de dappere ferkeapers.

Tips fan de redaksje