Jong Hearrenfean wint mei 3-0 fan Jong ADO Den Haag
Jong Hearrenfean hat it moandeitejûn net dreech hân tsjin Jong ADO Den Haag. De Feanster hienen fan de earste minút ôf it oerwicht en wûnen thús mei 3-0 fan de Hagenezen. Twa fan de trije goals waarden makke troch spits Henk Veerman. Hy brocht Hearrenfean nei 35 minuten spyljen op 1-0 foarsprong. Trije minuten nei rêst fersulvere er in penalty foar in oertrêding op Younes Namli: 2-0. Yn de 73e minút sette Michel Vlap de 3-0 op it boerd.
Troch de winst bliuwt Jong Hearrenfean oan de lieding yn de reservekompetysje fan de beloften.