Twahûnderttûzenste besiker foar Modelspoarmuseum Snits

In modelspoartrein © Omrop Fryslân, Joline Dalstra
It Nationaal Modelspoor Museum yn Snits hat freed de twahûnderttûzenste besiker wolkom hjitten. It giet om de famylje Steenbeek út Bilthoven. Goed sechstich persint fan de besikers komt út Noard-Nederlân. Der komme ek in soad bûtenlânske toeristen nei it modelspoar museum.
Sûnt april is de kolleksje te sjen fan de yn 2010 ferstoarne skriuwer Appie Baantjer.