Oanlis bedriuweterrein fersteurde briedfûgels mooglik
De fraksje fan Pal Grienlinks yn de gemeente Ljouwert makket him soargen oer berjochten dat briedfûgels yn de maitiid fersteurd binne by de oanlis fan it bedriuweterrein Newtonpark 3 by Ljouwert. By it wurk soene nêsten ferneatige wêze.
Neffens de fraksje docht bliken dat der gjin ûntheffing wie om ûnder de briedtiid yn it gebiet te wurkjen. De fraksje hat dêrom fragen oer de kwestje by de gemeente dellein. Se wol ûnder oare dat it kolleezje mei in wurkwize komt om de gefolgen fan grûnwurk foar floara en fauna tenei te beheinen.
