Damen Shipyards mear yn Burgum
Skipsbouwer Damen Shipyards sil in diel fan syn aktiviteiten yn Gorkum konsintrearje yn Burgum. De ferwachting is dat der yn de rin fan dit jier fiif oant tsien banen yn Burgum by komme sille. Der wurkje no 80 minsken by de skipsbouwer yn Burgum.
Der wurde yn Gorkum gjin minsken ûntslein. De meiwurkers geane by oare ûnderdielen fan it bedriuw oan it wurk.