Twa bern omkaam by brân Warkum

15 desimber 2008, 04:26 • 1 minút lêstiid

De flammen slaan út it hûs (foto Jaring Rispens)

De brânwacht hie in soad muoite mei de fûle brân (foto Alex Zwart)

By in fûle wenningbrân yn Warkum binne sneintenacht twa suskes fan 7 en 9 jier om it libben kaam. Heit en mem koene mei twa oare bern krekt op ´e tiid út it houten hûs weikomme. De brânwacht moast nei oankomst al gau it sykjen nei de twa bern oerjaan omdat it net mear fertroud wie.

De brânwacht fan ûnder oare Nijefurd, Gaasterlân-Sleat en Boalsert hawwe oeren dwaande west om it fjoer ûnder kontrôle te krijen. Dêrnei waarden de lichems fan ´e beide famkes fûn.