Hearrenfean 'boartet' mei Ajax

Sportclub Hearrenfean fermakke snein yn it eigen Abe Lenstra stadion har publyk mei in galafoarstelling tsjin Ajax. De Amsterdammers waarden mei 5-2 fan it fjild spile. Nei acht minuten stie it al 2-0 troch doelpunten fan Gerald Sibon en Roy Beerens. Dêrnei spile de thúsploech hiel goed, mar de stân soe net feroarje.
Earst nei it skoft waard de foarsprong troch opnij Sibon en in strafskop fan Danijel Pranjic útwreide oant 4-0. Nei 4-2 makke Pranjic syn twadde: 5-2.