Tefredenheid oer fast ferry
De fast_ferry fan ferfiersbedriuw Connexxion by de Iselmarkust del hat yn de earste wike aardich wat minsken lutsen. Sawat hûndert minsken deis stapten op 'e boat. Dy fart alle dagen tusken De Lemmer, Starum, Makkum en Koarnwertersân. Augustus is proefmoanne. As dy suksesfol is, wurdt de farferbining mooglik trochset.
Connexxion is tefreden oer de earste wike. It bedriuw hopet op better waar, omdat dat nei alle gedachten noch mear passazjiers lûke sil.
