Fryske taksy´s ride wol
De Fryske taksybedriuwen dogge net mei oan de aksjes fan taksysjauffeurs fan moandei. Taksysjauffeurs fiere op oare plakken yn Nederlân aksje tsjin de hege brânstofprizen.
De Fryske taksybedriuwen binne wol solidêr mei de aksjefierende kollega´s, mar sette harren taksy´s foarearst noch net stil. Dat seit Uilke_Yntema, foarsitter fan De Vervoerscombinatie Friesland (VCF). Hy fertsjinwurdiget acht Fryske taksybedriuwen.
