Ljouwert moat sunich oan
Sa at it no liket is der de kommende jierren gjin jild foar nij belied yn de gemeente Ljouwert. En dat wylst de gemeenteried mear wol as allinnich op de winkel passe.
It probleem ûntstie earder troch in tekoart fan 1,7 miljoen euro, dat ûndertusken wol fuortwurke is. De kommende jierren is der allinnich jild foar nije saken at der op besteande útjeften besunige wurdt. De amtners studearje dêr no op.
