Miljoen skea by brân Pyrasied
By in brân by it bedriuw Pyrasied oan de Apollowei yn Ljouwert is tongersdeitemoarn foar mear as in miljoen euro skea oanrjochte.
It bedriuw ymportearret en distribuearret keunststof produkten lykas acrylaat. By de brân is de nije bedriuwshal, mar ek de foarried ferlern gien. It bedriuw is fersekere, mar foaral it ferlies fan de foarried yn de nije bedriuwshal is in probleem. Klanten fan Pyrasied moatte no langer wachtsje op levering fan materiaal.
