Koart plysjenijs
In 30-jierrige Hearrenfeaner is freedtemiddei delstutsen yn in horekagelegenheid yn syn wenplak. De man waard rekke yn syn long. De plysje fûn it mes werom by in 30-jierrige ynwenner fan Eastersee. De oanlieding is net dúdlik.
Yn in reidfjild by Bantegea is freedtemiddei brân útbrutsen. Der wurdt tocht oan brânstifting. De brânwacht hie it fjoer nei inkelde oeren ûnder kontrôle.
