Garypster bout 'Griene Draek'
Pyt Hoekstra fan Garyp is drok dwaande mei it bouwen fan in replika fan 'e Groene Draek, it sylskip fan 'e Keninklike famylje. It kasko stiet yn 'e skuorre. Hoekstra hat de boat sels úttekene mei de kompjûter. Hy is al trije jier mei it projekt oan 'e gong.
Yn maaie begjint er mei de betimmering. Yn 'e simmer fan 2003 sil er mei de nije Lemster aak it wetter op.
