Ofbraak Frysk reuzerêd yn Parys
In 60 meter heech reuzerêd yn Parys dat boud is troch masinebouwer Nauta & Bussink út Heech, moat ôfbrutsen wurde. It Heeger bedriuw makke de konstruksje yn 1999. By de milenniumwiksel wie it ien fan de pronkstikken op it Place de la Concorde yn Parys.
Parys wol it rêd dêr no wei ha. De kâns bestiet dat it bedriuw it rêd op in oar plak yn Parys wer opbouwe moat.
