AFUK bringt 'Krobbekoer' út
Yn it ramt fan it Europeesk Jier fan de Talen ha de AFUK en Stifting Pjutteboartersplak moandei 'Krobbekoer' útbrocht. It giet om in boek mei CD foar pjutten, âlden en liedsters yn 'e berne-opfang.
Moandei hat deputearre Mulder it earste eksemplaar oanbean oan in boekemantsje fan oardel jier, in takomstige pjut. Yn 'Krobbekoer' binne 25 typyske pjuttetema's útwurke, mei ferskes en teltsjes.
