Gjin fûgelpest yn Eanjum
Der is gjin pseudo-fûgelpest yn de Fûgelpits yn Eanjum. Dat hat ûndersyk útwiisd. It bliuwt lykwols ûndúdlik watfoar sykte oft der dan wol west hat ûnder de bisten yn it opfangsintrum.
It tal fertochte gefallen nimt ôf. De ein is lywols noch net yn sicht, om't der noch altyd fûgels dea geane. It opfangsintrum dat in skoft ticht wie, is nei it wykein wer iepen foar besikers.
