Liemburg ferbiedt Cambuur-Utert
Cambuur kin wer op syk nei in nije lokaasje foar de oefenwedstriid tsjin Utert. Nei't boargemaster Cazemier fan Dongeradiel de oefenwedstriid ferbean hie hat ek boargemaster Liemburg fan Littenseradiel de wedstriid op it fjild fan Easterlittens ferbean.
Ek Littenseradiel hat net genôch plysjeminsken beskikber. Cambuur nimt freed in beslút oer in nije lokaasje.
