NK Skaken yn Ljouwert

21 juny 2001, 00:00 • 1 minút lêstiid

Nei tweintich jier is it NK Skaken werom yn Fryslân. De kommende oardel wike sit de Ljouwerter Harmonie fol mei skakers. Under de tsien dielnimmers binne twa Friezen: Sipke Ernst (22) fan Damwâld en âld-Ljouwerter Mark van der Werf (33).

Sipke Ernst moast yn de earste omgong mei swart tsjin favoryt Jeroen Piket en ferlear. Mark van der Werf spile mei wyt remise tsjin John van der Wiel.