Lange file troch ûngelok op A7

Ferkear op de A7 fan Drachten nei It Hearrenfean hie moandeitemoarn lêst fan in file dy't feroarsake waard troch in ûngelok. Dêrby rekke ien auto yn de middenberm. De bestjoerder rekke troch noch ûnbekende oarsaak de macht oer it stjoer kwyt en draaide om syn as. Om de auto te bergjen, waard ien rydstrook ôfsletten. Dêrtroch ûntstie in lange file.