Fryske judoka's sterk by NKT
De judoka's fan JTS Hearrenfean ha goede saken dien by it Nasjonaal Kwalifikaasje Toernoai yn Eindhoven. By de manlju pakte Wytze de Jong de oerwinning yn de klasse -66 kg. Tjeerd Tjeerdsma waard twadde yn de klasse -73 kg. Carlos de Matos Fernandes einige as 5e yn de klasse -81 kg.
By de froulju waard Julia van der Molen 3e yn de klasse -52 kg. It poadium yn de klasse -63 kg wie hielendal Frysk. Iris Iwema wûn, Margiet Bergstra waard 2e, folge troch Eléa de Gans. Winst wie der ek foar Gerdien Kupers yn de klasse +78 kg.
De earste seis judoka's yn eltse gewichtsklasse pleatse har foar de Lotto NK judo 2012 op 20 en 21 oktober yn Rotterdam.
