Sport: Sanne Vermeer Nederlânsk kampioen judo | Wrâldtitel beachfollybal foar Poiesz en Piersma

Antoinette Rijpma-De Jong is tredde wurden op de 3.000 meter by de wrâldbekerwedstriid langebaanriden yn Japan. Se pakte it brûns yn in tiid fan 4.03,71. Ragne Wiklund út Noarwegen wûn yn 4.01,88 en it twadde plak wie foar Momoka Horikawa út Japan (4.03,42).

Foar Rijpma-de Jong is it de twadde medalje op de earste wrâldbekerwedstriid fan dit seizoen. Se einige sneon as twadde op de 1.500 meter, de ôfstân wêrop't se de regearjend wrâldkampioene is. Op de 3.000 meter mocht se starte troch ôfmeldingen fan ûnder oaren Irene Schouten. Mei in uterste krêftsynspanning yn de lêste bocht bleau se yn har rit Joy Beune foar. Dy einige mei 4.03,89 as fjirde.

Reina Anema wie earder op de dei de rapste yn de B-groep. Dat die se yn in tiid fan 4.09,78.

Sportklup Hearrenfean hat himsels wat mear lucht op de ranglist jûn troch mei 1-3 te winnen by Vitesse. Maklik gie it net, mar nei in reade kaart foar Vitesse-middenfjilder Marco van Ginkel lutsen de Friezen de oerwinning oer de streek.

Op It Hearrenfean foelen in soad goals yn de tredde perioade. Alexander Vasilyev sette út namme fan de Belgen de wedstriid earst wer lyk. Dêr koe er net lang fan genietsje: lyk dêrop skoarde Mike Collard fan de Flyers de 4-3.

Wannes Moons makke tsien minuten letter de 4-4 foar Herental.

Dêrnei setten de Flyers goed troch. Jasper Nordemann makke syn twadde fan de wedstriid en mei de goal fan Tom Speel waard it 6-4.

Jacques de Ceuster makket dan yn de lêste minút noch in punt foar de Belgen. It waard 6-5.

Vitesse - sc Hearrenfean stiet healweis 1-1. Benammen it earste part fan de earste helte wie striemin. Beide ploegen liken de bal net nei de goede kleur spylje te kinnen.

Vitesse stie al nei 3 minuten op foarsprong fia Million Manhoef. Nei in moaie goal fan Pelle van Amersfoort kaam Hearrenfean better yn de wedstriid.

Yn de slotfaze fan it earste bedriuw hienen de Friezen eins op foarsprong komme moatten, mar goede kânsen wienen net oan Oliver Braude, Simon Olsson en Sven van Beek bestege.

LWD Basket hat ek de sande wedstriid dit seizoen ferlern, se wisten oant no ta noch net te winnen. Yn Leiden waard it 72-67. Yn it twadde kwart like it even de goede kant op te gean en stiene de Ljouwerters in tiid foar mar ZZ Leiden luts de oerwinning yn de lêste twa kwarten nei har ta.

Takom wike moat LWD basket tsjin Yoast út Bemmel, Gelderlân, dy hingje ek ûnderoan de ranglist.

Harm Visser hat op de Haachske Uithof ek de fjirde wedstriid yn de Daikin Maraton Cup wûn. Sjoerd den Hertog waard twadde en Evert Hoolwerf pakte it tredde plak. Visser wûn dit seizoen al twa kear earder.

Jorrit Bergsma krige read fan de wedstriidsjuery en is út de útslach skrast. Hy soe tsjin de regels yn syn kopman Visser op sleeptou naam ha. Bergsma hinget in skorsing boppe de holle.

De Flyers hawwe de twadde perioade ôfsletten mei in foarsprong. Wesley de Bruijn skoarde al gau yn de twadde helte de 2-1. Roope Juhani Niskanen makke foar de Belgen dêrnei syn twadde fan de wedstriid en luts de skoare wer lyk.

Lars den Edel skeat krekt foar it skoft de 3-2 foar de Flyers binnen.

De follybalsters fan Snits makken de wedstriid goed ôf. Yn de lêste set stienen se in soad foar en einigen mei in 18-25 stân.

De sechsde wedstriid fan it seizoen winne se op dizze wize mei 1-3 fan SOMAS/Activia. Dêrmei hawwe se de smaak te pakken: it is de fiifde wedstriid op rige dy't se winne.

De follybalsters hâlde it spannend. Set trije gie bot hinne en wer tusken de Snitsers en Brabanders. Op it lêste stuit lûkt Snits de set nei har ta mei 25-27. De ploech hat bettere blocks mar makket ek mear fouten, dêr wit SOMAS/Activia wer fan te profitearjen. It stiet 1-2 yn Sint-Anthonis.

LWD Basket stie nei it earste kwart ferrassend foar tsjin ZZ Leiden, mar by it skoft stiet Leiden dochs op foarsprong. De ferskillen binne lykwols noch lyts: 42-35.

It stiet 1-1 op It Hearrenfean. Troch in goal fan Roope Juhani Niskanen kamen de iishockeyers earst op achterstân tsjin de ploech út Herental, België. Mar dat makken se noch gjin fiif minuten letter wer goed doe't Jasper Nordemann skoarde.

LWD Basket hat dit seizoen noch gjin wedstriid wûn yn de BNXT League, mar nei ien perioade basketbalje, geane se wol ferrassend oan de lieding tsjin ZZ Leiden: 19-21 foar de Ljouwerters.

SOMAS/Activia like yn it begjin fan de twadde set de goede line troch te setten, mar al gau knokte Snits har werom en rûn út. De twadde set wûn de ploech mei 18-25.

De opstelling fan sc Hearrenfean foar de wedstriid tsjin Vitesse is bekend. Osame Sahraoui hat de wedstriidseleksje net helle. Hy hat dochs te folle lêst fan de hamstring. De oanfal bestiet no út Simon Olsson, Pelle van Amersfoort en Ché Nunnely. Patrik Wålemark is noch blessearre. Ion Nicolaescu sit wol wer by de seleksje, mar begjint op de bank.

Friso Snits hat de earste set tsjin SOMAS/Activia ferlern. De ploech fan Sint Anthonis, Noard Brabân is mei in setwinst fan 25-18 oant no ta te sterk.

It is binnen: Harkemase Boys wint de earste perioade en is dus al wis fan play-offs foar promoasje nei de twadde divyzje.

Konkurrint IJsselmeervogels gie ferrassend mei 2-1 ûnderút tsjin HSC'21, wêrtroch't de Boys no ek allinnich oan kop geane yn de tredde divyzje.

Marijke Groenewoud hat de fjirde maraton fan dit seizoen op har namme skreaun. Sy sette in tiid del fan 46:25.291. Yn de lêste perioade fan de wedstriid sette sy alle tsjinstanners op in ronde achterstân, dy koene har net mear byhelje.

Kim Talsma waard fyfde, krekt achter Irene Schouten.

It feest kin hast wol begjinne yn De Harkema. HSC'21 is op 1-1 kaam tsjin IJsselmeervogels. Dat betsjut dat de ploech út Spakenburg binnen in healoere noch minimaal fjouwer kear skoare moat, wolle se de perioadetitel noch ôfpakke fan Harkemase Boys. En dat liket suver ûnmooglik.

Sa waard de 1-1 fierd yn de kantine fan Harkemase Boys:

Nei njoggen races steane Laila van der Meer fan Grou en Bjarne Brouwer njoggende yn de NACRA17-klasse op it Europeesk kampioenskip yn it Portugeeske Vilamoura.

Sneon einigen se in kear as fiifde en in kear as tolfde. Nei ôflûk hawwe Van der Meer en Brouwer 88 punten.

IJsselmeervogels stiet by it skoft mei 0-1 foar tsjin HSC'21. Dat betsjut dat Harkemase Boys no noch in foarsprong fan fjouwer doelpunten hat op de ploech út Spakenburg. De Boys binne dus tichteby in perioadetitel.

It si derop op Sportpark De Swadde. Bûtenpost hat de wedstriid yn de fjirde divyzje tsjin Heino winnend ôfsletten.

Nei in 1-0 stân by it skoft rûnen de Blaukes yn de twadde helte út nei 2-0. It lêste doelpunt kaam op namme fan Youri Sletering.

Bûtenpost hat no 16 punten út 11 wedstriden en stiet dêrmei kreas yn de middenmoat.

Darter Danny Noppert fan De Jouwer hat syn earste groepswedstriid yn de Grand Slam of Darts yn it Ingelske Wolverhampton wûn. Noppert wie mei 5-3 te sterk foar de Japanske debutant Haruki Muramatsu.

De Jouster kaam net fierder as in gemiddelde fan 86, leger as de 90 fan Muramatsu. Boppedat slagge it him op 3-2 net om 9 út te smiten. Yn de lêste twa legs kaam it werstel en sa wûn Noppert dochs noch: 5-3.

It sit derop yn De Harkema. Harkemase Boys - DOVO is einige yn 3-1.

By it skoft wie it al 2-0. Yn de twadde helte die DOVO wat werom. In minút letter wie de marzje lykwols alwer twa fia in benutte strafskop fan Thomas Prinsen.

De Boys moatte no ôfwachtsje oft it foldwaande is foar de perioadetitel. IJsselmeervogels mei yn elts gefal net mei mear as fjouwer doelpunten ferskil winne fan HSC'21. Dy wedstriid set om 18.00 oere útein.

It is de dei fan de reinbôgen op de amateurfjilden. Ek op De Harkema is der ien te sjen. Soe it in teken wêze dat de pot mei goud, yn de foarm fan in perioadetitel, klear leit foar Harkemase Boys? Nei 71 minuten steane se mei 2-1 foar tsjin DOVO.

Bûtenpost stiet yn de fjirde divyzje nei 45 minuten fuotbal mei 1-0 foar tsjin Heino. It iennige doelpunt foel al nei 4 minuten: Bas Verbree skoarde nei't de keeper fan Heino de bal losliet.

Harkemase Boys kin hjoed in perioadetitel pakke yn de tredde divyzje. Dêrfoar moat de klup it tsjin DOVO yn elts gefal net folle minder dwaan as IJsselmeervogels tsjin HSC'21.

Oant no ta giet it de goede kant op foar de klup út De Harkema: se steane by it skoft mei 2-0 foar troch doelpunten fan Joris Adams en Jhurrey Margaritha.

Konkurrint IJsselmeervogels trapet om 18.00 oere ôf tsjin HSC'21 út Haaksbergen, de nûmer sân fan de kompetysje. By dizze tuskenstân moat IJsselmeervogels mei minimaal fjouwer doelpunten ferskil winne om de perioade noch fan Harkemase Boys ôf te pakken

En yn de kategory opfallend:

It amateurfuotbal kin hjoed net oeral trochgean. Op guon plakken is it fjild te min.

Dêr't it wol kin, binne der sa no en dan moaie plaatsjes te sjen, lykas by Waterpoort Boys - Nijlân yn Snits:

Reina Anema fan De Gordyk hat op de ploege-efterfolging yn Obihiro brûns pakt. Dat die se mei Joy Beune en Esther Kiel yn in tiid fan 3.01,29. Allinnich de ploegen fan Japan en Kanada wienen rapper. Gastlân Japan pakte de winst op dit ûnderdiel. It is de tredde Fryske medalje dy't sneon helle is en de fjirde fan it hiele wykein yn Japan.

Antoinette Rijpma-de Jong hat op de 1.500 meter yn Japan in sulveren medalje pakt. Mei in tiid fan 1.56,23 kaam se it tichtst yn de buert fan Takagi, dy't goud pakte.

Femke Kok hat de twadde 500 meter fan it wrâldbekertoernoai yn Obihiro wûn. Mei in tiid fan 37,89 bleau se Leerdam en de Amerikaanske Goetz foar. Freed waard Kok tredde op dyselde ôfstân.

De UNIS Flyers hawwe mei romme sifers wûn fan de Mechelen Golden Sharks. Yn België waard it 4-11.

Tijs Vreys skoarde fjouwer kear, wylst Henri Ruotsalainen trije kear skoarde. De oare goals kamen fan Jasper Nordemann, Lennart Vosmer, Frankie Pucci en Mike Collard.

De Flyers hawwe harren foarsprong útbriede yn de twadde perioade fan de wedstriid. Se steane no mei 3-7 foar yn Mechelen.

Jasper Nordemann, Lennart Vosmer en Frankie Pucci skoarden de goals foar de Flyers yn de twadde perioade.

Sherida Spitse hat in prachtige goal makke foar de Ajax froulju. Mei in skot fan ôfstân makke se de twadde goal fan de Amsterdammers.

De wedstriid tsjin PEC Zwolle einige yn in 1-3 oerwinning foar Ajax.

De UNIS Flyers fan It Hearrenfean stean op in 1-4 foarsprong nei de earste perioade yn harren wedstriid tsjin de Mechelen Golden Sharks. De wedstriid wurdt spile yn it stadion fan de Belgen.

By de Flyers skoarden Tijs Vreys en Henri Ruotsalainen elts twa kear.

De froulju fan Hearrenfean hawwe harren earste winst fan it seizoen pakt. Se wûnen thús mei 1-0 fan Telstar.

In goal fan Lisanne Dik yn de earste helte wie genôch foar de trije punten. De ploech ferlit dermei it lêste plak en stiet no tsiende.

De froulju fan sc Hearrenfean hawwe har earste doelpunt fan it seizoen makke. Yn de foarige fiif wedstriden slagge it Hearrenfean net om in jildich doelpunt te meitsjen.

Mar no stiet Hearrenfean mei noch in helte te gean yn eigen hûs mei 1-0 foar tsjin Telstar. Lisanne Dik wie de doelpuntemakker. Komt der nei it earste doelpunt ek de earste oerwinning fan it seizoen oan foar de Friezen?

Yn in fideo op instagram is te sjen hoe't de rêch fan Suzanne Schulting der no út sjocht: der sit in flinke snee yn.

Schulting (26) rekke earder dizze wike ferwûne by in fal, doe't se rekke waard troch ien fan de redens fan Xandra Velzeboer, dy't har net mear ûntwike koe.

Skûtsjeskipper Sikke Heerschop hâldt der nei takom seizoen mei op. Heerschop hat mei syn frou Lisette hast 35 jier meisyld by de IFKS, mei ferskkate skûtsjes.

Hy waard twa kear kampioen, de lêste kear wie ôfrûne simmer. Heerschop hat besletten de 35 jier fol te meitsjen. Nei takom jier draacht er it helmhout fan syn skûtsje de Ingelskman oer oan syn soan en skoandochter.

Nei sân races stiet Laila van der Meer fan Grou tegearre mei Bjarne Brouwer sechsde yn de Nacra17-klasse op it Europeesk kampioenskip.

Van der Meer en Brouwer steane no op 74 punten, dat is op grutte ôfstân fan it poadium. De nûmer trije stiet nei sân races op 33 punten.

Van der Meer en Brouwer einigen yn de yndividuele races al trije kear op it poadium, wêrfan ek ien earste plak, mar dêr steane bygelyks ek in tolfde en 21e plak tsjinoer. Boppedat hat it duo in ôflûk fan 27 punten.

It duo hat har wat oars taret op dit EK, om't se derfoar keazen hawwe langer troch te trainen by Marseille (Frankryk). Dêr binne folgjende simmer de Olympyske Spelen. Dêrtroch hawwe se amper traind op it wetter yn Portugal dêr't no it EK is.

Reina Anema koe gjin yndruk meitsje by de massastart foar froulju. De Kanadeeske Ivanie Blondin kaam as earste oer de finish, mei dêrachter yn it oranje Esther Kiel. Op it skoareboerd krige de Gordykster Anema de sulveren medalje tawiisd, mar dat wie in flater.

Op de 1.000 meter manlju hat Tim Prins mei 1:09,32 de tolfde tiid delset. Masaya Yamada pakte goud. Hy wie mei 1:08,35 hast in sekonde rapper as Prins.

De Fryske frouwen hawwe gjin poadiumplak helje kinnen op de 1.000 meter yn Obihiro. Femke Kok siet der wol hiel tichteby, mar waard mei 1:15,22 fjirde. Jutta Leerdam wûn foar de achttjinde kear op de ôfstân mei 1:14,22.

Marrit Fledderus kaam net yn de buert fan de top. De Sint-Nykster einige as tsiende (1:16,55). Antoinette Rijpma-De Jong waard sechstjinde.

Femke Kok pakt brûns op de 500 meter mei in tiid fan 37,93. De Nijbeetster wie de iennige Nederlanner dy't ûnder de 38 sekonden bliuwe koe. Marrit Fledderus ried de 500 meter yn 38,23 sekonden út. De Amearikaanske Kimi Goetz sette mei 37,82 de rapste tiid del.

Kok en Fledderus komme freed ek noch yn aksje op de 1.000 meter.

Der komme freed seis Fryske reedriders yn aksje op wrâldbeker yn it Japanske Obihiro. It KNSB hat njoggen Friezen selektearre foar dy wrâldbeker en de wrâldbeker yn Beijing.