Sahraoui en Van Beek by de seleksje tsjin Feyenoord, Bochniewicz ûnwis
Sven van Beek en Osame Sahraoui kinne sneon beiden spylje yn de útwedstriid tsjin Feyenoord. Pawel Bochniewicz rekke freed blessearre by de training en it is ûnwis oft hy meidwaan kin.
Van Beek rekke yn jannewaris fan dit jier swier blessearre. Hy skuorre de haksine (achillespees) ôf en hat mear as acht moannen net spile. Ferline wike makke hy yn oefenwedstriden tsjin FC Grins en Heracles syn rentree en no sit hy by de seleksje.
Hearrenfeantrainer Kees van Wonderen: "Hij heeft eerst een helft en daarna 60 minuten gespeeld. Die heeft hij goed verteerd. Hij is al lang voor zichzelf aan het trainen. De kans dat hij 90 minuten gaat spelen, is onrealistisch."
Oft Van Beek yn de basis begjint, seit Van Wonderen net. "Hij kan starten en hij kan invallen, maar 90 minuten is te veel."
Hoe fit is Sahraoui?
Osame Sahraoui hat ferline wike syn debút makke foar Noarwegen yn in oefenwedstriid tsjin Jordanië. Hy foel yn de 73e minút yn en joech in assist.
Yn de wike foar syn debút rekke Sahraoui blessearre oan it ankel. Dêrtroch spile Sahraoui yn de twadde wedstriid fan Noarwegen net mei en siet hy net by de seleksje.
"Hij is goed teruggekomen, maar hij heeft nog wel wat last", seit Van Wonderen. "Ze hebben hem daardoor ook buiten de selectie gehouden in de tweede wedstrijd." Oft hy in hiele wedstriid spylje kin, wit Van Wonderen noch net. "Daar gaan we nu wel vanuit, maar zeker weten we dat niet."
Kees van Wonderen oer Van Beek en Sahraoui
Pawel Bochniewicz rekke freed by de training blessearre. Hy kaam mei de knibbel yn de grûn en hat lêst fan de heup. Sneon wurdt sjoen oft hy spylje kin.
Patrik Wålemark sit noch net by de seleksje. Van Wonderen hopet dat de Feyenoord-hierling oer ien of twa wiken oanslute kin by de seleksje.
Muorre bouwe yn De Kuip?
Yn augustus ferline jier spile Hearrenfean yn De Kuip mei 0-0 lyk tsjin Feyenoord. Andries Noppert keepte doe in geweldige wedstriid en Hearrenfean spile yn in 5-3-2-formaasje. Mar dat sil Van wonderen net wer dwaan.
"We gaan weer een enorme muur bouwen", grapket er. "Nee, we gaan door met het ontwikkelen van het elftal. Vorig jaar werden we gedwongen om zeer compact te verdedigen. Je zou daar nu ook weer op terug kunnen vallen, maar we willen ons verder ontwikkelen in het systeem waar we nu mee bezig zijn. Dus heel reëel is dat niet."
Kees van Wonderen oer de wedstriid tsjin Feyenoord
De wedstriid Feyenoord - sc Hearrenfean is sneon om 16.30 oere. De wedstriid is live te folgjen by Omrop Fryslân op de radio, it kommentaar komt fan Roelof de Vries.
