'Festival Hoogbegaafd' lûkt 400 bern nei Jobbegea: "Niet alleen maar feest"
Mear as 400 heechbejeftige bern út it hiele lân binne snein yn Jobbegea foar it 'Festival Hoogbegaafd.' De organisaasje wol mear omtinken foar de negative kanten fan heechbejeftich wêze.
"Volgens mij moet dit koffiefilter in die reageerbuis", seit Bruno út Apeldoorn tsjin syn broer Milo. Bruno sit yn in wite jas en mei in feiligensbril op oan in tafel fol mei bekers, buiskes en floeistoffen.
Sy nimme diel oan de workshop natuerkunde, ien fan de workshops dy't spesjaal foar it festival opset is. De bern kinne ek tekenje, skake, rappe of sporte. It doel is dat bern mei-inoar yn kontakt komme.
"Ik vind het leuk om hier te zijn", seit Bruno. "Thuis in Apeldoorn word ik niet altijd begrepen en dat heb ik nu wel."
Bruno hâldt efkes op fan praten om syn natuerkundige proef ôf te meitsjen. Hy moat helder wetter meitsje en is drok oan de gong. "Ik begrijp snel dingen en loop daardoor voor op mijn klasgenoten. Het is dan vervelend als ze mij niet begrijpen."
Frustrearjend
Foar dat punt wol de organisaasje omtinken freegje. It festival is in idee fan Marianne Zwart. Sy is sels mem fan twa heechbejeftige bern en sjocht dat it ek syn drege kanten hat.
"Het is niet alleen maar feest. De kinderen moeten zich vaak aanpassen aan de omgeving. Dat kunnen ze over het algemeen wel, maar het maakt ook voor dat ze veel prikkels krijgen. Dat kan er uiteindelijk voor zorgen dat ze woede-uitbarstingen krijgen en dat is frustrerend."
Zwart hopet dan ek dat de bern op it festival in soad wille hawwe en gewoan mei-inoar prate kinne. Sy organisearret it jier troch mear foar heechbejeftige jongerein. "Ik wil ze gewoon een leuke dag geven. Met gelijkgestemden kom je een heel eind en kunnen kinderen zich thuis voelen."
