Tige grutte útslaande brân yn appartemintekompleks op Flylân ûnder kontrôle

Troch in tige grutte brân is appartekompleks Eureka op Flylân bot skansearre rekke. It gebou kin as ferlern beskôge wurde. Yntusken is it fjoer ûnder kontrôle.
"Dit is geen leuke dag voor het eiland, en zeker niet voor de mensen die hun vakantie vierden in Eureka", reagearret boargemaster Michiel Schrier.
Alle minsken dy't yn it pân oanwêzich wienen koenen der op tiid út komme. Gjinien hat ferwûnings oprûn. De brânwacht hat noch wol in hûsbist út it gebou helje moatten. Dy mankearde neat.
Dit is hoe't de brân op Flylân bestriden waard
Neffens de brânwacht stienen der meardere boulagen yn 'e brân en wie de brân begûn yn it boppeste part. Hoe't de brân ûntstean koe, is net dúdlik.
Al gau waard der opskaald nei 'tige grutte brân en GRIP-1 wie fan krêft. Dêrmei kinne de helptsjinsten de helpferliening ûnderling makliker ôfstimme. Oare tsjinsten, sa as plysje, ambulânse, mar bygelyks ek de gemeente wurde dan by de kommunikaasje fan it ynsidint belutsen.
Boskgebiet besparre bleaun
By de bestriding fan de brân twa brânwachtauto's fan Definsje ynset. Dy binne op Flylân stasjonearre. Dêrnjonken waarden der twa blusploegen fan de fêste wâl en in heechwurker oerfearn.
Der wienen soargen dat it fjoer oerslaan soe op it njonkenlizzende boskgebiet, mar de brânwacht koe dat foarkomme.
Brânwachtwurdfierder Jan Kees Toxopeus yn petear mei CAMJO Media
It gebou dat yn de brân stie, is it appartemintekompleks fan Eureka. Gasten dy't op de boppeste ferdjipping ferbleaunen, stienen op in ôfstân te sjen en mochten net fierder. "We zaten bij restaurant De Bolder, we zouden eten en toen zagen we rookontwikkeling. We gaan nu maar weer terug naar De Bolder, drinken ons glas wijn leeg en wachten het af."
Mear bylden fan de brân op Flylân
Maria Versteeg siet oan de kant fan de dyk mei har dochter te wachtsjen. Sy ferbleau yn ien fan de apparteminten doe't de brân útbruts. "Op een gegeven moment lopen een paar bagagejongens voorbij, die brand zagen. Ik zat gewoon een boekje te lezen buiten onder een luifel, ik ga kijken en de vlammen sloegen al uit de tweede etage schuin boven mij."
Sy woe noch besykje in koffer te pakken, mar doe't har dochter glêsgerinkel hearde, sei dy: "We pakken niks, we gaan naar buiten."

Minsken dy't troch de brân net weromkinne nei harren ferbliuwplak, kinne terjochte yn Strandhotel Seeduyn. Dêr kinne sy mear ynformaasje en help krije.
"Met de mensen van het hotel en de gemeente kijken we naar andere plekken op het eiland waar mensen naar toe kunnen", seit boargemaster Schrier. "Wat ook nog mogelijk is dat mensen met de boot terug kunnen naar de wal." Dêr binne lykwols noch gjin oanmeldings foar.

Woansdei wurdt kontrolearre oft it feilich is om it gebou yn te gean. "Mensen hopen toch dat ze nog even naar hun kamer toe kunnen om nog wat spullen op te halen. Misschien de autosleutel of een ov-kaart, zodat ze op een goede manier thuis kunnen komen."
De steat fan it gebou is lykwols min. "De ene kant kan je niet meer repareren", seit Schrier. "De structuur van de muur is ook aangetast, het is niet meer veilig om dat te repareren. Ik denk dat uiteindelijk hier toch de sloopkogel doorheen gaat en er nieuwbouw komt."