Beach Cleanup Tour op Skiermûntseach: "It strân is gjin ôffalbak"

1 augustus, 14:06 • 3 minuten lêstiid

Soksoarte tou kin lang yn it miljeu lizzen bliuwe © RTV NOF, Mats Gies

Tûzenen frijwilligers speure de kommende wiken it Nederlânske strân ôf foar de Beach Cleanup Tour. De ôftraap wie tiisdei op Skiermûntseach, dêr't 45 dielnimmers it strân ophimmelje. Sy hoopje it ferskil te meitsjen.

"Het strand moet niet gebruikt worden als afvalbak", leit Sebastiaan Verkade út. Hy is projektlieder Beach Cleanup Tour by Stichting De Noordzee.

Stichting De Noordzee rommet al sûnt 2013 alle jierren de Noardseekust op. Yn totaal binne der dit jier tritich etappen dêr't frijwilligers oan meidwaan kinne. Sûnt it begjin fan it projekt is der al 103.558 kilo swalkôffal fan de strannen helle.

Tûzenen frijwilligers speure de kommende wiken it Nederlânske strân ôf foar de Beach Cleanup Tour.

Ferline jier is der yn totaal 1.759 kilo ôffal op de Waadeilannen opromme troch 319 frijwilligers. Dat wie minder as de 2.062 kilo fan 2021.

Nettsjinsteande de buien kuierje de dielnimmers tiisdei in stik fan sa'n seis kilometer, fan strânpaviljoen De Marlijn nei it easten fan Skiermûntseach ta. Al it ôffal dat se tsjinkomme, wurdt meinaam.

De dielnimmers op Skiermûntseach sette fol goede moed útein © RTV NOF, Mats Gies

De Fryske etappen binne tusken 1 en 6 augustus. Tiisdei en woansdei wurdt der op Skiermûntseach rûn, tongersdei en freed op It Amelân, sneon op Skylge en snein op Flylân.

"Over het algemeen is het op Schiermonnikoog best goed", jout Verkade ta. "De stranden op de Wadden en in Zeeland zijn relatief schoon in vergelijking met de stranden in Noord- en Zuid-Holland. Dat heeft ook te maken met het aantal recreanten en de zeestroming, maar toch vinden we nog honderden kilo's afval."

Dêrom bliuwt de Cleanup Tour nedich. "We doen dit nu al vele jaren. We merken dat de hoeveelheid afval op het strand afneemt, maar nog steeds vinden we zo'n 282 stuks afval per 100 meter strand. Dat is veel te veel."

Stichting De Noordzee hopet dat minsken hieltyd mear beseffe dat sy net samar wat weismite moatte. "Dit jaar hebben we extra aandacht voor sigarettenpeuken, dat is het meest gevonden afvalitem op toeristische stranden. Vorig jaar vonden we bijna 80.000 peuken, dus daar moeten we hard aan werken."

Folslein skjinne strannen, dat is neffens Verkade gjin utopy. "We hebben de afgelopen tien jaar al zo'n 20.000 deelnemers mogen verwelkomen. We blijven ons inzetten. De dalende lijn van de hoeveelheid afval op het strand zegt ons dat we er mee door moeten gaan."

Dat seit ek ien fan de dielnimmers, de 17-jierrige Eline út Hoogeveen: "Ik heb er heel veel zin in, want ik denk dat we een bijdrage kunnen leveren. We helpen om het strand schoner te houden en zorgen ervoor dat dieren er geen last van hebben. Want het afval komt anders in zee terecht. Als je dit met zoveel mensen tegelijk doet, kun je het verschil maken."