Tennisser Sander Arends nei goede wike ûnderút yn heale finale ATP-toernoai yn Umag
Tennisser Sander Arends fan Ljouwert hat freedtemiddei de heale finale fan it toernoai fan Umag ferlern. Yn Kroäsië gie Arends, tegearre mei syn fêste dûbeldmaat David Pel, mei 4-6 en 6-7 ûnderút tsjin de Italianen Bolelli en Vavassori.
Arends en Pel wiene dizze wike aardich op dreef op it Kroatyske gravel. Yn de earste ronde wûnen se yn trije sets (3-6 6-3 10-5) fan it duo Demoliner/Oswald. De twadde ronde waard wûn fan it duo Cabral/Matos (6-4 4-6 10-5).
Troch it plakje yn de heale finale pakt Arends dizze wike 90 punten foar de ranglist. Dêrmei komt er werom yn de top-100 fan de wrâld, op plak 94.
