RUG siket Frysksprekkers: "Zien of woorden nu anders worden uitgesproken dan toen"

Buurke is promovendus oan de Ryksuniversiteit fan Grins. Hy wol útsykje hoe't it Nederlânsk it Frysk feroare hat. Dêrfoar docht er in ûndersyk út de jierren 80 nei.

"Voorgangers van mij hebben opnames gemaakt met sprekers uit verschillende plaatsen", leit Buurke út. "Dat proberen we nu opnieuw te doen, zodat we het kunnen vergelijken. Zo kunnen we vaststellen of Friessprekenden dezelfde woorden nu misschien anders uitspreken dan toen."

Buurke rjochtet him by it ûndersyk net allinnich op it Frysk. Hy docht promoasjeûndersyk nei streektalen yn hiel Noard-Nederlân. Dêr falt ek it Nedersaksysk fan Grinslân ûnder. Mar de twa talen kinne har wolris oars ûntwikkele ha, tinkt Buurke.

"Het Fries is meer levend, als ik het zo mag zeggen. En sprekers van het Fries zijn ook wat meer begaan met hun taal. Dat kan heel veel uitmaken voor hoeveel er van een taal behouden blijft."

Yn it Nedersaksyske taalgebiet sjocht Buurke al dat der behoarlik wat dialektwurden ferfongen binne troch Nederlânske wurden. Dat is yn hiel Nederlân it gefal, dus it soe neffens him goed kinne dat dat foar it Frysk ek jildt.

Mar om dêr wis fan te wêzen, hat er dus sprekkers nedich, sadat er opnamen meitsje kin en dy ferlykje kin mei de opnamen fan fjirtich jier lyn.

De sprekkers dy't Buurke noch siket, moatte dan wol út deselde regio's komme as de sprekkers fan it eardere ûndersyk. In ynwenner fan Feanwâlden praat gewoanwei ommers oars as ien út Seisbierrum. Ek de leeftiid en it geslacht moatte oerienkomme mei de sprekkers fan Buurke syn foargongers.

Dielnimmers oan it ûndersyk moatte wurden oersette fan it Frysk nei it Nederlânsk. "Heel simpele woorden, zoals 'huis' en 'muis'." In oar ûnderdiel is in koarte fragelist. Yn totaal kostet it in lyts kertier, ferwachtet Buurke.

Oanmelde kin op Buurke syn webside.