Danny Noppert útskeakele op World Matchplay of Darts
Darter Danny Noppert fan De Jouwer is útskeakele op de World Matchplay of Darts yn it Ingelske Blackpool. Yn de achtste finale wie Nathan Aspinall mei 9-11 te sterk.
Noppert moast hast de hiele wedstriid yn de efterfolging. Hy kaam noch wol mei 2-1 foar, mar dêrnei hie Aspinall hieltyd it inisjatyf. Ferskate kearen pakte de Ingelskman twa legs foarsprong, mar Noppert liet sjen oer karakter te beskikken.
By 9-9 gie it mis foar de Jouster. Hy ferlear syn eigen leg en dus kaam Aspinall op 9-10. De Ingelskman hoegde doe allinnich mar syn eigen leg binnen te heljen foar de oerwinning. Dat slagge mar krekt: Noppert hie de leg mei dûbel-20 útsmite kind, mar dat slagge him net. Aspinall makke dêrnei gjin flater en helle de wedstriid binnen.
