Sport snein 9 july: Bergsma, Van der Schoot en Kootstra winne | Follyballers útskeakele

Sportklup Hearrenfean spilet op dit stuit in oefenwedstriid tsjin it Dútske Kickers Emden, dy ploech spilet op it fiifde nivo fan Dútslân.

By it skoft is it 4-0 foar de ploech fan trainer Kees van Wonderen. Melle Joop Witteveen, Ché Nunnely, Daniël Karlsbakk en Roan van der Plaat makken de doelpunten.

Keatser Mark Minnesma lei wiken op de intensive care fan it UMCG yn Grins. Fan de iene op de oare dei waard er hiel siik. "In het ziekenhuis bleek dat het om een bloedvergiftiging ging. Mijn nieren deden het bijna niet meer. Ik zakte weg en het leek einde verhaal te zijn, maar het reanimatieteam heeft mij toen gered", seit Minnesma.

De tastân fan Minnesma bleau lykwols tige prekêr. It die bliken dat er in oanberne ôfwiking hat oan de longen. Om't er sa sportyf wie en noait siik, waard dat nea ûntdekt. Minnesma lei úteinlik fjouwer wiken op de IC. Twa wiken wie er yn koma. Minnesma foel 26 kilo ôf, lei oan de beäzeming en syn fuotten dienen neat mear.

"Maar ik ben blij dat ik nog leef", seit Minnesma lâns it keatsfjild fan Boalsert, dêr't er sjocht nei de ferrjochtings fan broer Rick yn de haadklasse. "Nu baal je natuurlijk als sportman dat je niet mag sporten en dat je zoveel spiermasse mist, maar ik ben blij dat ik er zo fit in ging. De conditie van het sporten heeft mij erdoorheen gesleept."

Minnesma sit no yn in rolstoel, hy kin noch gjin grutte stikken rinne. Dochs tinkt er alwer oan keatsen. "Ze geven me een halfjaar tot een jaar totdat ik er weer ben. Dan hoop ik volgend jaar de tweede cyclus er weer bij te zijn."

It Nederlânske volleybalteam mei ûnder oaren Fries Bennie Tuinstra hat yn it Filipynske Pasas City de lêste pûlwedstriid yn de Nations League ferlern fan Slovenië.

It waard 3-0. Dêrmei pleatse de manlju harren net foar de kwartfinale.

Fan de sechstjin lannen mochten de earste acht troch. Nederlân stiet op dit stuit njoggende en hat dus gjin kâns mear om troch te streamen.

De 'Final 8' wurdt fan 19 oant en mei 23 july spile yn it Poalske Gdansk.

Björn Bakker hat syn sukses fan ferline jier yn de Lus van Roden net werhelje kind. De hurdfytser fan It Hearrenfean waard hjoed tredde yn ien fan de gruttere kriteariums fan Noard-Nederlân.

Nei 100 kilometer kaam Tijmen Paardekoper as earste oer de streek, foar Mike Dogterom.

It fierljeppen in Winsum is dien. De winners:

Cambuur hat de earste oefenwedstriid fan de tarieding op it nije seizoen mei 3-0 wûn fan it Dútske SSV Jeddeloh. Yn Koarnjum makken Daniël van Kaam, Michael Breij en Remco Balk de doelpunten.

Autokoereur Nyck de Vries hat de earste skifting yn de kwalifikaasje fan de GP Grut-Brittannië net oerlibbe. Hy hat de njoggentjinde tiid delset.

By de lêste frije training op it sirkwy fan Silverstone hat Nyck de Vries de alfde tiid delset. De kwalifikaasje begint hjoed om 16.00 oere.

Yn de foarlêste etappe fan de Giro Donne spile Anouska Koster fan De Westereen gjin rol fan betsjutting. De etappe fan Nuoro nei Sassari waard yn in massasprint wûn troch Kata Blanka Vas út Hongarije.

Annemiek van Vleuten behâldt de lieding yn it algemien klassemint. Moarn is de lêste etappe, fan Sassari nei Olbia.

Goeiemiddei! Yn dit liveblog folgje we de Fryske sport fan dit wykein. Mei hjoed ûnder oare de kwalifikaasje yn de Formule 1 op Silverstone, mei Nyck de Vries, de earste oefenwedstriid fan SC Cambuur yn tarieding op it nije seizoen en it fierljeppen yn Winsum.