Dit wie de sânde dei fan de Alvestêdetriatlon fan Maarten van der Weijden

Hy is der hast, en dochs is it noch in hiel ein. Maarten van der Weijden is bliid dat er Dokkum helle hat. "Ik weet dat we er nog niet zijn, maar Dokkum heeft een bijzondere plek in mijn hart", sei er tsjin de hûnderten minsken dy't dêr opwachten.

"Omdat ik het in 2018 net niet haalde, en in 2019 zo hartverwarmend ontvangen werd, en ook deze week weer, bij het zwemmen en het fietsen, dacht ik, ik kom nog een keer naar Dokkum, om jullie daar ontzettend voor te bedanken. Dankjewel!"

It applaus wie grut.

"Het is enorm zwaar geweest. De eerste dag, dat ik aan het overgeven was op het Slotermeer, toen had ik er alles voor over om te stoppen, maar dacht: dat kan ik niet maken. En nu, een week later, ben ik trots dat we al zo ver zijn."

It stimpel fan Dokkum is binnen! Maarten is no dwaande mei it alderlêste stik: fan Dokkum nei Ljouwert. Soe er dat hjoed noch helje?

Wa't goed oplet, hat sjoen dat Maarten hieltyd in stôk yn de hannen hat. Minsken binne benijd wêrom't dat is.

Ferslachjouwer Miranda Werkman wit it antwurd. "It is om derfoar te soargjen dat er gjin dikke fingers krijt. Troch yn it stokje te knipen bliuwt de sirkulaasje fan it bloed goed op gong."

De stimpelkaart dy't fûn wie oan de rûte, is wer te plak by de rjochtmjittige eigener. Mei tank oan Omrop-meiwurker Aise van Beets, dy't er ek in foto fan makke hat.

Wat no as it echt net mear kin? "Stoppen is geen optie", seit Stefan van der Pal. "Als het kan, zou ik doorlopen. Dan zijn de omstandigheden beter. Maar er is geen publiek. Dat kan je ook helpen."

In jier lyn folbrocht Van der Pal de tocht dy't Maarten no ek folbringe wol. Hy wie te gast yn it programma Sneon yn Fryslân.

De temperatuer kin moarn oprinne oant 30 graden, seit waarman Jan Jonkman. "Der komt in soad sinne, der moat dus goed smard en goed dronken wurde. Je kinne better fannacht rinne as moarnier."

Van der Weijden wurdt om 18:40 oere yn Dokkum ferwachte. Dêrnei is it noch 25 kilometer nei Ljouwert.

Maarten rint wer. It giet stadich.

Stefan van der Pal moast moannenlang werstelle fan de alvestêdetriatlon. In jier lyn folbrocht hy de tocht dy't Maarten no ek folbringe wol. "Artsen zeiden dat ik er een half jaar voor nodig zou hebben, maar toen was ik nog lang niet klaar."

"Het heeft wel driekwart jaar geduurd voordat ik weer zin had om iets te doen. Om te sporten, bedoel ik. Mijn maag en mijn darmen hebben een erorme klap gehad. De laatste dag kon ik niet veel meer eten, omdat mijn buik helemaal overstuur was."

Van der Pal is te gast yn it programma Sneon yn Fryslân.

Yn in tintsje tusken Burdaard en Dokkum docht Maarten in knipperke.

Maarten van der Weijden is net de earste dy't begjint oan de alvestêdetriatlon. Foarich jier folbrocht Stefan van de Pal út Ljouwert de meunstertocht, as alderearste.

Hy is te gast yn it programma Sneon yn Fryslân.

Maarten van der Weijden hat al mear as 1,5 miljoen euro ophelle mei syn alvestêdetriatlon. Dat meldt de organisaasje. It jild is bedoeld foar ûndersyk nei kanker.

Van der Weijden is sneintemoarn begûn mei it swimmen fan de alvestêdetocht. Doe't er dêr klear mei wie, hat er de tocht fan 200 kilometer ek noch fytst. No is er kuierjend ûnderweis mei it lêste ein.

It skema fan Van der Weijden wurdt al de hiele wike bysteld. Soms giet er wat hurder as ferwachte, mar meastal giet it wat stadiger.

In oere lyn melde de organisaasje noch dat er om 17:45 oere hinne yn Dokkum wêze soe. Dat is no bysteld nei 18:40 oere. Maarten moat earst in knipperke dwaan foardat er yn Ljouwert is, meldt de organisaasje.

De meirinners dy't fan Dokkum nei Ljouwert rinne soene, binne sûnder Maarten fertrokken. Sa komme se hjoed noch oan yn Ljouwert. Sa kinne se noch meidwaan oan it poadiumprogramma dat dêr holden wurdt.

Je kinne wol sjen dat it swier is, mar as we foar him klappe dan ljochtsje syn eagen op, sizze dizze taskôgers yn Burdaard. Dat is it plak dêr't er de earste kear, doe't er allinne noch 'mar' swom, opjaan moast. Dokkum hat er doe net helle.

No stiet der in monumintsje yn Burdaard, om stil te stean by dat momint út 2018. Dêr is Van der Weijden no foarby. Hy set troch, nei Dokkum.

It liket der net op dat Van der Weijden hjoed Ljouwert noch hellet. Dat meldt de organisaasje. Hy soe eins fannemiddei yn Ljouwert oankomme, mar neffens in wurdfierder is hy 'te wurch'. "Hij zal nu eerst in Dokkum nog een slaapmoment moeten pakken", seit se.

It is net dúdlik wannear't Van der Weijden de streek hellet. "Dat ligt aan de slaap die hij krijgt. Mogelijk wordt het morgenochtend, maar of het de vroege of late ochtend wordt, durf ik niet te zeggen".

As Van der Weijden dit tempo folhâlde kin, komt er om 17:45 oere oan yn Dokkum. Tsjin dy tiid is it finishfeest yn Ljouwert hast ôfrûn. Dat begjint om 16:00 oere, en duorret oant 18:00 oere.

It is dúdlik wa't de stimpelkaart mist. En ek wa't dêr ferantwurdlik foar is.

Van der Weijden is foar de lêste kear dizze tocht yn Bartlehiem. De weromreis giet er oer Rinsumageast, Oentsjerk en Gytsjerk.

Hy hat it tempo der noch goed yn. "Eerder vandaag voelde ik mij heel slecht, maar nu zijn we in Bartlehiem. Daar heb ik me ook wel eens slecht gevoeld, maar nu niet."

Ferslachjouwer Miranda Werkman wol noch folle mear freegje, mar Van der Weijden moat fierder. It is noch hast 40 kilometer nei Ljouwert.

Van der Weijden sil de tocht nei alle gedachten útrinne op wilskrêft. Dat er hjoed net finishe sil, is al wol dúdlik.

It finishfeest om seis oere yn Ljouwert foar de minsken dy't meidien hawwe, giet troch, alhoewol't Van der Weijden dêr dan noch net is. Hy is dan nei alle gedachten noch oan it kuierjen,

Yn Peins hat in harker fan Omrop Fryslân in stimpelkaart fûn. Dy kaart moat foar Dokkum wer yn hannen wêze fan de eigener.

"Ik haw him swimmen sjoen by Sibrandahûs en tocht: No moat ik hjir mar efkes hinne," fertelt in frou út Marrum dy't op de fyts nei Stiens kaam is om Maarten van der Weijden te sjen. "Dan fyts ik aansen nei Dokkum en sjoch ik dêr ek efkes."

Se fynt de tocht fan Van der Weijden "geweldich." En dan ynienen brekt har stim: "Ik bin der emosjoneel fan. Myn man is ferline jier stoarn oan kanker. Mar ja, we moatte troch en hy is der noch", seit se tsjuttend op Maarten. Oant no is der 1,1 miljoen euro ophelle. "Ik hoopje dat er it hellet."

Nei Stiens moat er Van der Weijden noch nei Bartlehiem. Dan nei Dokkum en werom nei Ljouwert.

Maarten van der Weijden kin sneon Ljouwert net berikke 'op in noflike tiid'. Dat rêdt er net mear op, sa hat de organisaasje bekend makke Mei 'in net noflike tiid' wurdt bedoeld dat er pas jûns let of yn de nacht oankomme sil.

Letter sneontemiddei falt it beslút hoe't it komme sil mei de Maarten syn alvestêdetocht. Mooglik hâldt er op om te sliepen en makket er de tocht snein ôf. Der binne ek in soad meirinners en foar harren is in ûngeunstige rintiid jûns let of nachts net sa gaadlik. Boppedat falt dan it evenemint mei oanmoedigjende supporters oan de kant wol wat yn it wetter.

Van der Weijden kaam sneon tusken de middei troch Menaam. Dêr stiene ek lykas op oare plakken in soad supporters by de dyk. Hjir hiene se in boerd mei 'Menaam groet Maarten'.

It wie in bysûnder emosjoneel momint yn Kimswert fjouwer jier ferlyn. Tiete Dijkstra stie op de brêge Maarten van der Weijden op te wachtsjen, doe't hy de Alvestedetocht yn 2019 swom. Ferslachjouwer Johanna Brinkman rekke mei har yn petear wêrby't se fertelde dat se it slim fynt dat syn swimaksje nedich is.

"We wenje yn in ryk lân en dan moat sa'n jongen dat hiele ein noch swimme", seit frou Dijkstra. Se stiet dizze moarn wer op it brechje fan Kimswert op Maarten te wachtsjen.

Maarten van der Weijden rint op it stuit tusken Peins en Slappeterp. Hy is wer ûnderweis nei't er by Skalsum in knipperke dien hat. In grutte groep minsken rint mei him mei. Der stiet ek in soad publyk oan de kant om Van der Weijden oan te moedigjen.

Oan it haad fan de stoet befine harren GPS-Buddys. Dat binne lokaasjetrackers. Wêr't Maarten is, kinst hjir sjen.

Van der Weijden wie tige oandien doe't er syn stimpel yn Frjentsjer helle. Yn oanrin nei de stimpelpost stiene in soad minsken te klappen en te jûcheien.

By de stimpelpost gie er op de grûn sitten en sloech de hannen foar de eagen. Hy moast gûle en syn frou kaam derby. Op in stuit gie er ek wer stean en ferfolge er syn wei. Hy moat noch tsientallen kilometers kuierje, fan Frjentsjer oer Dokkum nei it finishplak Ljouwert.

It stimpel waard set troch de kommissaris fan de kening Brok. Eins wie it de berneboargemaster dy't it offisjeel die. Brok holp de berneboargemaster, sa't er sels ferklearre, "Pikefel", sa omskreau Brok it stimpelmomint yn Frjentsjer. "Kinst sjen dat de man stikken is. Hy liket fysyk en mentaal suver oan ein. Mar ik tink dat de minsken oan de kant him wer enerzjy jouwe. It is noch in aardich eintsje rinnen."

Maarten hat krekt syn stimpel helle yn Harns. It sjocht der noch wol aardich soepel út sa't er rint. Mar hy hat it wol dreech: "We zijn weer begonnen. Gisteravond had ik het echt heel zwaar. Ik moest een paar uur meer slapen, Mijn voeten zijn niet best meer. Het lopen wordt steeds lastiger, maar we lopen nog. Het zou fijn zijn als het vandaag lukt."

De finish hjoed helje wurdt wol krap. As er jûn yn Ljouwert oankomme wol, moat er 6 km yn de oere rinne. It is de fraach oft dat yn dizze omstannichheden wol slagget. As dat net slagget, soe er him snein útrinne kinne, mar as it net mear ferantwurde is, moat er miskien hielendal ophâlde.

De sinne skynt en Maarten van der Weijden is al wer op 'en paad op syn sânde dei fan de Alvestêdetocht, swimmend, op 'e fyts en no kuierjend.

Hy hat by Boalsert oernachte en is om sawat 4 oere begûn mei rinnen. Yn ferliking mei de oare nachten hat er langer sliept. De doktoaren fûnen it better dat er langer rêst naam.

It doel is om hjoed de tocht te folbringen. De finish is in Ljouwert, mar dan moat er earst by Dokkum om.

Maarten is no ûnderweis nei Harns.