Tonnen skea troch koperdieverij op sinnepark Vegelinsoard: it opknappen duorret moannen

It sinnepark oan de Welleweg by Vegelinsoard © Google Earth
Koperdieven ha flink taslein op it sinnepark by Vegelinsoard. De skea rint yn de tonnen, it opknappen duorret moannen. Salang leit it sinnepark foar it grutste part stil.
Fan in soad panielen binne de liedingen mei koper meinommen. "Dit is ongelooflijk jammer", seit projektmanager Kees Gardner, fan it Klimaatfonds dat it sinnepark tusken de Welleweg en De Dolten eksploitearret.
It park fan 15 fuotbalfjilden grut is twa jier lyn iepene. De 14.000 panielen smite alle jierren 7.300 megawattoere op. "Dat is genoeg om een paar duizend gezinnen in de omgeving van groene stroom te voorzien. Dat kan nu niet."
Dy húshâldens sitte no net sûnder elektrisiteit: it enerzjybedriuw dat de stroom fan Klimaatfonds Nederland ôfnimt, keapet de stroom foarearst op de merk.
It sinnepark fan De Dolten ôf sjoen © Google Street View
De skea is tige grut, fertelt Gardner. "De kabels die voor een deel onder de grond lopen, zijn doorgeknipt en meegenomen. Om dat de herstellen moeten je eerder aan maanden denken dan aan weken."
Neist de tonnen skea fan de dieverij rint it Klimaatfonds ek noch tonnen mis om't it sinnepark stilleit en neat opsmyt. "En dan te bedenken dat de dieven voor het gestolen koper niet meer dan een paar duizend euro zullen krijgen. Onbegrijpelijk."
Koper, dêr wie it de dieven om te dwaan © ANP
De plysje hat de dieverij yn ûndersyk. Neffens Gardner hawwe it grif minsken west dy't út wiene op it koper yn de liedingen. "Vroeger waren de Nederlandse Spoorwegen met hun hoogspanningskabels het doelwit, het lijkt wel alsof nu de zonneparken de pineut zijn. Ik ben bang dat dit een landelijke trend wordt."
Dat is ek de reden wêrom't de projektmanager weromhâldend is mei ynformaasje. "Ik wil eigenlijk niemand op het idee brengen om zoiets uit te vreten."

Ek stellerij by de boer

Boer Broer Hielkema ferhiert de grûn oan it Klimaatfonds. Hy wit net wa't achter it stellen sit. Mooglik binne it deselde dieders dy't fan snein op moandei by him ynbrutsen ha. Ut syn pleats dy't neist it sinnepark stiet, is in brânkast fan 200 kilo meinommen. De plysje ûndersiket oft de ynbraak te krijen hat mei de dieverij op it sinnepark,