Feanfroulju takom seizoen ûnderdiel fan profesjonele takke sc Hearrenfean
De froulju fan sc Hearrenfean wurde fan takom seizoen ôf folslein opnommen yn de betellefuotbalorganisaasje fan de klup. It moat de Feanfroulju en de jeugdoplieding in takomstbestindich plak jaan binnen de klup.
It earedivyzjeteam en de jeugdoplieding meitsje no noch diel út fan de Stichting Vrouwenvoetbal Noord Nederland, dy't troch frijwilligers beheard wurdt. Yn 2019 tekenen dy stichting, de klup en de gemeente Hearrenfean al in ferklearring mei de bedoeling om it frouljusfuotbal folslein yn de klup op te nimmen.
De klup lit witte dat it dizze stap passen fynt by de groei dy't it frouljusfuotbal op it stuit trochmakket yn Nederlân. "Het is heel mooi dat het vrouwenvoetbal onder de vlag van sc Heerenveen de volgende fase in haar ontwikkeling gaat meemaken", seit algemien direkteur Cees Roozemond fan sc Hearrenfean. "Net als bij de mannen, willen we ook bijdragen aan de talentontwikkeling en ambities van de voetballende meisjes en vrouwen.
Erkenning
"Als stichting willen we al langer 'echt' bij sc Heerenveen horen", seit Jessica Roosenburg, foarsitter fan de stichting Vrouwenvoetbal Noord Nederland. Sy is dan ek wiis mei dizze ûntwikkeling. "Met deze stap is de toekomst van het vrouwenvoetbal in het noorden gewaarborgd. De meiden en jonge vrouwen zijn harde werkers en verdienen deze erkenning."
