Fjouwer skoallen en multyfunksjoneel sintrum yn Noardeast-Fryslân foar tûzenen euro's bestellen
Fjouwer skoallen en in multyfunksjoneel sintrum yn Noardeast-Fryslân binne foar tûzenen euro's bestellen. Dat meldt de plysje yn dy regio. Dieven hawwe bankpassen en de byhearrende pinkoades stellen en der dêrnei jild mei opnaam.
De skoallen en it MFC, wêrfan't de nammen net bekend makke binne, waarden ôfrûne wike troch de bank op de hichte steld fan fertochte pintransaksjes. "De bank zag een aantal verdachte transacties en heeft zo de scholen en het MFC op de hoogte gesteld", seit wurdfierder Anne Kok fan de plysje Noard-Nederlân.
De plysje tinkt dat de passen oerdeis meinaam binne doe't de skoallen gewoan iepen wienen. "Iemand is waarschijnlijk gewoon naar binnen geglipt omdat we geen braaksporen hebben aangetroffen en er geen alarm is afgegaan."
Mear slachtoffers
Op de skoallen en it MFC waarden de pinkoades yn de buert fan de passen bewarre. By ien skoalle waarden ferskate kasten iepenbrutsen. De plysje advisearret soks net te dwaan: "Het is begrijpelijk dat er meer mensen gebruik maken van de passen maar toch is dat niet handig, wij waarschuwen ervoor om de bankpassen veilig op te bergen, de pincodes nooit op te schrijven en regelmatig de bankrekening even te controleren."
De plysje slút net út dat der mear slachtoffers binne. Undersyk moat noch útwize wa't hjir ferantwurdlik foar is. "Wij zijn met de scholen en het MFC in gesprek en kijken of er beelden of andere aanwijzingen zijn die ons op het spoor van de dader kunnen brengen".
Anne Kok, plysje Noard-Nederlân oer de stellen bankpassen
