Eaststellingwerf wol in ferfierskongres, sa't de provinsje de regio net ferjit
Gemeente Eaststellingwerf wol in kongres oer mobiliteit organisearje. It set in wurkgroep op dit te organisearjen en om nei te tinken oer it ferfier yn de gemeente.
In mearderheid fan de ried stimde yn mei in moasje fan GrienLinks. De gemeente wol 20.000 euro útluke om de ferfiersmooglikheden yn de regio te ferbetterjen. De partijen wolle benammen Eaststellingwerf wat mear yn Ljouwert op de kaart sette. De gemeente wurdt wolris fergetten, sa is har gefoel.
Der libje in soad soargen, benammen oer it útklaaien fan it iepenbier ferfier. In ferfiershub yn Easterwâlde soe ek foar plakken as Drachten, It Hearrenfean, Wolvegea, Assen en Beilen fan belang wêze kinne, tinke sy. Mar de provinsje liket oars te kiezen. Om wat tsjingas te bieden, sil in wurkgroep der no mei oan de gong.
