Ticht spoar foar Warns wer in tsjinfaller: "Je zou wat flexibilieit verwachten"
It is foar ynwenners fan Warns en omkriten in hele toer om mei de trein earne oars te kommen. Hoewol't de dassen ûnder it spoar by Molkwar yntusken fuort binne, bliuwt it ûntregele iepenbier ferfier in boarne fan argewaasje.
It is nei de stakingen de safolste tsjinfaller foar de reizgers. "Ja, dat was wel even een verrassing maandagmorgen", seit Maaike Reijersen van Buuren út Warns. Har soan sit yn havo 4 en reizget eltse dei fan Warns nei Snits.
"Het is elke ochtend in de app kijken hoe het nu weer geregeld is, dus vol goede moed stapten ze op de fiets. Maar sinds gisteren is het zo geregeld dat de bus niet vanuit Koudum-Molkwerum, maar vanuit Koudum Centrum rijdt. Alleen omdat die spoorwegovergangen dicht zijn, kun je daar met de fiets niet komen", leit sy út.
Dat de spoarwei-oergongen ticht binne hat te krijen mei reguliere wurksumheden.
Ekstra jild
De jonges binne dêrom mar nei Starum ta fytst, de oare kant op. Dat kostet net in soad ekstra tiid, mar wol sinten.
Neist in abonnement fan 1.800 euro it jier foar ien persoan, kostet de omwei nochris ekstra jild. "De provincie en vervoerder heeft ons na wat navragen gelukkig wel verzekerd dat we na deze week de extra kosten terug kunnen vragen."
Sa as it no stiet giet it spoar by Molkwar op 24 april wer iepen, wit ProRail te melden. Yn de tiid dat it spoar net te brûken wie hat de ferfierder logyskerwiis krekt wat mear klachten binnenkrigen as oars. Dy geane ûnder mear oer hinder en ekstra reistiid troch wurksumheden.
Allinnich soe der neffens Reijersen van Buuren in folle bettere oplossing wêze kinne. De bus út Starum rydt gewoan troch Warns en Molkwar, mar hat dêr gjin halten. "Nog tien andere leerlingen komen hier vandaan, ik heb al bij de provincie voorgesteld hier even te stoppen maar dat schijnt niet te kunnen omdat er geen in- en uitcheckpaal is."
Better as yn de stakingen
Net allinnich learlingen út Warns, mar ek oare doarpsgenoaten binne mei de situaasje oan, fernimt sy: "Gisteren nog kwam ik een vrouw tegen die ook naar Stavoren moest fietsen. De vrijwilligers van de buurtbus weten ook niet goed waar ze aan toe zijn, zij moeten op tijd in Stavoren zijn om aansluitingen te halen voor mensen die moeten overstappen. Zij hebben dus ook last van dat de informatie slecht verstrekt wordt."
Nei dizze wike is de oerwei as it goed is wer iepen. Ek moatte de treinen dan wer ride. Minsken dy't op in wize omride moasten, kinne jild weromfreegje.
Dochs sit it net lekker. "In deze tijd zou je verwachten dat men flexibel zou kunnen zijn. Laat de kinderen dan in Hindeloopen inchecken. Wij zijn ook flexibel geweest tijdens de periode van de stakingen."
Tajûn, is de situaasje no noch altyd better regele as yn mei stakingen, seit Reijersen van Buuren. "Toen deden ze er drie uur over om van Warns naar Sneek te komen, dus wat dat betreft is het alternatief vervoer nu over het algemeen wel goed geregeld."
