Hearrenfeantrainer oer kwartfinale tsjin Feyenoord: "Alles moet kloppen"
28 febrewaris, 17:02 • 2 minuten lêstiid
Feyenoord is noch op trije fronten aktyf: it lânskampioenskip, de Europa League en yn it bekertoernoai, mar neffens Kees van Wonderen is dat gjin foardiel foar sc Hearrenfean: "Ik verwacht geen cadeautjes."
"Zij zijn gewend om veel zware wedstijden achter elkaar te spelen, daar hebben ze ook de selectie voor", sa jout Van Wonderen oan. "Elke club wil met alles zo ver mogelijk komen, dat geldt ook voor Feyenoord. Zij willen ook naar de finale in de eigen Kuip."
Hearrenfeantrainer Kees van Wonderen ferwachtet gjin kadootsjes tjin Feyenoord
"Je merkte dat dit speciale wedstrijden zijn toen we in de achtste finale tegen NAC speelden. Maar tegen topploegen moet alles kloppen, dan moet je echt boven jezelf uitstijgen. En dan nog heb je een beetje geluk nodig om het jouw kant op te laten vallen."
Van Wonderen sels
Van Wonderen wûn as spiler fan Feyenoord de UEFA Cup yn 2002, mei de Rotterdammers wûn hy ek de titel en de Johan Cruijffskaal. En as assistint by FC Twente wûn hy ek de lânstitel, mar de nasjonale beker stiet net yn syn prizekast.
"Ik heb 'm nog niet gewonnen. Als speler van NEC heb ik hem verloren in de finale tegen Feyenoord. En toen ik bij Feyenoord voetbalde verloren we van FC Utrecht. En als trainer van FC Twente verloren we van Heerenveen."
De wedstriid sc Hearrenfean - Feyenoord begjint woansdei om 20.00 oere en is live te folgjen op de radio yn in ekstra sportprogramma by Omrop Fryslân. It kommentaar is yn hannen fan Arjen de Boer en analist Johnny Jansen.
It Abe Lenstra Stadion is lang net útferkocht, nei skatting sitte der mar sa'n 12.000 supporters. Dat komt omdat sc Hearrenfean gjin losse kaartferkeap hantearret, seizoenkaarthâlders kinne allinnich har eigen plak keapje en gjin ekstra kaarten keapje.
Hjir is ta besletten omdat by eardere wedstriden tsjin Feyenoord yn de thúsfakken in soad supporters út Rotterdam sieten. Dat soarge foar in soad krityk, omdat Hearrenfeansupporters har net feilich fielden.
