Ultee hat nocht oan Fryske derby: "We gaan proberen om Heerenveen bij de strot te grijpen"
Sjors Ultee hat in soad nocht oan de derby fan takom snein tsjin sc Hearrenfean. "Zulke wedstrijden maken het extra leuk om speler of trainer te zijn."
De trainer fan SC Cambuur fernimt al de hiele wike dat de derby libbet. "De planning gaat op de kop, want ik weet dat de training van zaterdag een hele speciale is", fertelt Ultee. Der wurde tûzenen supporters ferwachte dy't de spilers mei fjoerwurk op skerp sette sille foar de wedstriid tsjin de grutte rivaal.
De spilers ha de taktyske training earder dizze wike al hân, yn stee fan op de dei foar de wedstriid. Ultee: "Dus we kunnen morgen de trainingsweek samen met de supporters mooi afsluiten, met een training die meer op gevoel zit dan op tactiek."
De trainers fan Hearrenfean en Cambuur dogge geheimsinnich foar de Fryske derby
Dat de Fryske derby libbet yn de provinsje, fernimt Ultee om him hinne. De spilers sille it benammen sneon meikrije. "Wij als groep zijn vooral bezig met wie we gaan spelen en de manier waarop. Maar wij gaan het ook wel voelen als de supporters ons morgen tijdens de laatste training komen aanmoedigen."
It is net allinnich wichtich foar de supporters om dizze wedstriid te winnen, mar der binne mear redenen wêrom't de ploech in oerwinning brûke kin: Cambuur stiet noch hieltyd ien nei lêste yn de earedivyzje.
Drie punten voor de stand, het thuispubliek en de derby. Dat zijn genoeg redenen om een mooie boost te krijgen van een overwinning.
Nettsjinsteande dat Ultee sjocht dat de resultaten en it spul de ôfrûne wiken better waarden. "We pakken vijf punten uit de laatste paar wedstrijden en sinds ik aan het roer sta hebben we al drie keer de nul gehouden. Dat is mooi, maar we willen al die trouwe fans ook goals geven."
"Dus drie punten voor de stand, het thuispubliek en de derby. Dat zijn genoeg redenen om een mooie boost te krijgen van een overwinning", seit de Cambuurtrainer, dy't miskien wer beskikke kin oer Robin Maulun en Jamie Jacobs. It twatal wie de ôfrûne wiken blessearre.
Marco Tol sil der net by wêze. De ferdigener foel út yn it duel mei NEC en ûntbrekt tsjin Hearrenfean. Ek de langer blessearren Maxim Gullit en Jhondly van der Meer helje de derby net.
Trainer Sjors Ultee libbet ta nei syn earste Fryske derby
De opstelling hat Ultee wol yn 'e holle sitten, mar wol er noch net bekend meitsje. "Kees van Wonderen, de trainer van Heerenveen, is een hele goede en slimme trainer. Die is al slim genoeg zonder mijn informatie", fertelt Ultee, dy't foaryn liket te kiezen foar Michael Breij yn stee fan Silvester van der Water.
Ultee wol fierder borduere op de wedstriid fan ferline wike tsjin NEC. Hy wol dus net te folle feroarje yn de opstelling en taktyk yn ferliking mei in wike lyn.
Kolkjend stadion
It Cambuur Stadion sil snein oant op de lêste stoel útferkocht wêze. It Ljouwerter publyk sil neffens tradysje in oanfallend Cambuur ferwachtsje. Dat slút oan by de foarsizzing fan Ultee om net ôf te wachtsjen. "Het past bij de club en de spelers om hoog druk te zetten."
De wedstriid tusken SC Cambuur en sc Hearrenfean set sneintemiddei om 12.15 oere útein. It duel is live te folgjen op de radio yn in ekstra sportprogramma fan 11.00 oere ôf.
De presintaasje is yn hannen fan Geert van Tuinen en de analisten binne âld-Hearrenfeantrainer Johnny Jansen en Cambuurikoan Sandor van der Heide.
It leafst soe de oefenmaster sjen dat syn ploech Hearrenfean by de strôt grypt. "We moeten goed aan de bal zijn, verzorgd positiespel met diepte en druk zetten waar het kan. Maar we weten dat het verhaal van een wedstrijd nooit eenzijdig is. We hopen dat het lukt en zullen er volle bak voor gaan."
Dochs is it net sa simpel as it liket, neffens Ultee. "Heerenveen zal zich niet bij de strot willen laten grijpen. Van Wonderen is geen trainer die dingen heel anders zal gaan doen. Hij heeft een hele duidelijke speelstijl en daar verwacht ik dus ook geen grote verassingen."
